دی بلوچستان پوسٹ
گومازی شنکن بازار ءَ پاکستانی پوج ءَ یک مردمے زورانسری آوار جتگ ءُ گون وت برتگ-
ٹی بی پی پتر ءَ سربوتگیں ھالانی رِد ءَ مروچی تمپ ءِ دمگ گومازی ءَ پاکستانی پوج ءَ دینار ء ھیدر زورانسری آوار جتگ ءُ گون وت برتگ –
اھوالکار ءِ رِد ءَ دینار پاکستانی پوج ءَ ھما وھد ءَ گپتگ کہ آ گومازی ءَ گیراج ءِ نزیک ءَ ھجام ءَ شتگ بوتگ کہ پوج ءِ گاڑی ءُ سَے پرپٹ سواراں اتکگ ءُ آ زورانسری دست ءُ پاد بستگ اَنت ءُ گوں وت برتگ –
اھوالکار ءِ رد ءَ ھمے گمان بیت کہ پرپٹ سوار دمگی ڈیتھ اسکواڈانی کار مند بوتگ انت –
زانگ بہ بیت تمپ گومازی ءَ ھوار بلوچستان ءِ جتا جتائیں دمگاں پاکستانی پوج ءِ زوراکی یکشل ءَ برجاہ انت – بازیں مردمے آوارجنی ءَ پد بیگواہ کنگ بوتگ اَنت –