دی بلوچستان پوست
بلوچستان ءِ دمگ زیارت ءُ دکی ءَ جتا جتائیں وئیلاں یک مردمے بیران بوتگ پنچ مردم زدگ بوتگ اَنت ـ
ٹی بی پی پتر ءَ سربوتگیں ھالانی رِد ءَ زیارت کچ موڈ ءَ گاڑی ءِ تیز رؤگ ءِ سوب ءَ وئیل ءِ آماچ بوتگ ـ چریشی ءَ گاڑی ءَ سواریں یک مردمے ھما دمان ءَ بیران بوتگ چار مردم ٹپی بوتگ اَنت ـ
ٹپی بوتگیں مردم ھما دمان ءَ ھندی ھسپتال ءَ برگ بوتگ انت ـ وئیل ءِ آماچ بوتگیں مردم پشین ءِ جاھمنند انت ـ
دومی نیمگ ءَ دکی ءَ تیرگواری ءِ وئیل ءَ یک مردمے سک باز ٹپی بوتگ ـ
تیرگواری ءِ وئیل خالہ شھر ءِ دمگ کرائی پٹ ءَ دو ٹکانی میان ءَ زمینی جیڑہ ءِ سر ءَ بوتگ ـ
اے درگت ءَ ھندی لیویز ءِ گُشگ انت کہ کرائی پٹ ءَ کوھانی سر ءَ پیسر ءَ چہ نشتگیں سنگر بستگیں مردم ءَ دومی ٹک ءِ مردمانی سر ءَ تیر گواری کُتگ ـ
تیر گواری ءِ آسر ءَ عبداللہ جان ء صالح محمد جاھمنند خالہ شھر سک باز ٹپی بوتگ ـ
ٹپی بوتگیں مردم ھما دمان ءَ سول ھسپتال ءَ برگ بوتگ ٹپانی درمان کنگ ءَ پد گیشیں جاندراھی ءِ ھاتر ءَ شال ءَ دیم دیگ بوتگ ـ