کولواہ ءَ پاکستانی پوج ءِ چیک پوسٹ ءِ سر ءَ بیتگیں اُرش ءِ زمہ واری ءَ بی آر اے ءَ منّ اِتگ

دی بلوچستان پوسٹ

دو نیمگ ءَ راکٹ ءُ وتکاریں سلاھانی گون ءَ اُرش کرتگ ءُ سَے کارندہ کُشتگ – بیبگر بلوچ

بلوچ ریپبلکن آرمی ءِ جارکش بیبگر بلوچ ءَ رسانکدراں وتی شنگ کرتگیں یک درشانے ءَ گْوشتگ کہ مئے سرمچاراں گوستگیں بیگاہ ءَ کیچ ءِ دمگ کولواہ بلور ءَ زورگریں آرمی ءِ بنجل ءِ دو نیمگ انگیر ءَ کرتگ ءُ راکٹ ءُ وتکاریں سلاھانی گون ءَ اُرش کرتگ، سِی دمان ءَ ھردوکیں نیمگاں ترندی ءَ تیرگواریانی رد برجاہ بیتگ، اے اُرش ءَ لشکر ءِ سَے کارندہ کُشتگ ءُ باز زدگ کرتگ –

بیبگر بلوچ ءَ گوشت کہ مئے اے وڑیں کاروائی آجوئیں ڈیھ ءِ گڈی منزل ءَ برجاہ مان اَنت –