دی بلوچستان پوسٹ
سر بیتگیں ھالانی رد ءَ گوستگیں شپ ءِ ساھت چار تمپ ءِ دمگ دازن ءَ پاکستانی پوج ءَ بیڑ برتگ ءُ دو مردم آوار جتگ ءُ برتگ –
آوار جنگ بیتگیں مردمانی پجار مناب ء مھمد علی ءُ شھزاد ء عبدالواحد ءِ ناماں زانگ بیتگ اَنت –
دمگی مردمانی رد ءَ گوستگیں شپ ءِ ساھت چار ءَ پاکستانی پوج ءَ عبدالواحد ءِ لوگ ءَ بیڑ برتگ ءُ اود ءَ آئی ءِ سیزدہ سالی ئیں چُک شھزاد آوار جتگ ءُ برتگ کہ تنی وھدی آئی ءِ ھال نیست شھزاد ءِ ھمراھی ءَ پوج ءَ بیست ءُ یک سالی ئیں مناب ھم آوار جتگ ءُ برتگ کہ تنی وھدی ھردوکانی ھچ ھال نیست –
زانگ بہ بیت بلوچستان ءِ جتائیں ھند ءُ دمگاں پاکستانی پوج ءِ آوار جنی ءُ بیگواھیانی درچ یکشل ءَ برجاہ اَنت ءُ بلوچ سیاسی ءُ چاگردی مردمانی گوشگ اِنت کہ پوج آپریشنانی وھداں بازیں مردمے آوار جنت ءُ بیگواہ کنت پد ءَ آیاں یلہ نہ کنت ءُ نانکہ آیاں آمیدگساں پیش کنت –