بلوچستان ءِ جتائیں جاھاں سَے بندیگ یلہ کنگ بیتگ اَنت
دی بلوچستان پوسٹ
ٹی بی پی پترھال ءَ سر بیتگیں ھالانی رد ءَ بلوچستان ءِ جتائیں جاھاں پاکستان ءِ پوج ءَ دست ءَ آوار جنگ بیتگیں سَے مردم یلہ کنگ بیتگ اَنت –
یلہ بیتگیں مردمانی پجار عادل ء عبدالنبی جھمنند مند مھیر، عابد ء علی محمد جھمنند وشبود پنجگور ءُ زوھیر ء قادر بکش جھمنند ریش پیش پنجگور پروم ءِ ناماں زانگ بیتگ اَنت –
وائس فار بلوچ مسنگ پرسنز ءِ رد ءَ اشانی تہ ءَ عادل ء عبدالنبی دوھزار ءُ نوزدہ ءَ اکتوبر ءِ ماہ ءَ آوار جنگ بیتگ، عابد ء علی محمد یک سالے ءَ پیسر آوار جنگ بیتگ ءُ زوھیر سال دوھزار ءُ ھبدہ ءَ دوازدہ اپریل ءَ آوار جنگ بیتگ –