سالونک ریحان جانءِ نامءَ
شائر عمر مراد
دی بلوچستان پوسٹ
بس ھمے گْواڑگ کہ سْرپتگ زندگی بندات بیت
عاشقی بندات بیت ءُ شاعری بندات بیت
چو نہ زاناں ہستیءُ نیستیءِ سیمسر نوں کُجنت
اے ھما جاھِنت اول تاں آخری بندات بیت
،، ہر کُجام کشک ءَ گِراں تہ میتگ ءَ کیئتیں تئی ،،
ہر کجام گپ ءَ جناں کسّہ تئی بندات بیت
اے چہِ پیئمیں رازے اَت کہ تو منا دات ءُ شُت ئے
جاکءُ جَلّل بنت آسر ، ھلوتی بندات بیت
چو ھُدائی چہر ءُ شہم ءُ جلوھ ءُ نُورے گُشئے
ہر بَزیں دیوان ءَ ننِداں ایوکی بندات بیت
اے زمین ءِ زیمراں چہ وشبوانی نُور شِنگ
گوات کشّیت یاسمین ءِ وشبوی بندات بیت
تِرنزُکاں ھونانی نکش اَنت ھنی ئیں کاڈانی دست
بچّے ءِ سُوری مراگش اِنشپی بندات بیت
زندگی مُزّ انت بزاں ھونانی آتارءِ عمر
راستیءِ نام ءَ چہ باندا آجُوئی بندات بیت