پنجگور ءَ سلاہ بندیں مردمانی تیرگواری ءَ سرکاری پلامرزی کنوکیں مردمے بیران

پنجگور ءَ سلاہ بندیں مردمانی تیرگواری ءَ سرکاری پلامرزی کنوکیں مردمے بیران

دی بلوچستان پوسٹ

ناشناسیں سلاہ بندیں مردمانی تیرگواری ءَ یک مردمے بیران بیتگ ءُ یکے زدگ بیتگ وھدیکہ اُرشکار تچگ ءَ سوبین بیتگ اَنت –

بلوچستان ءِ دمگ پنجگور ءَ ناشناسیں سلاہ بندیں مردمانی تیرگواری ءَ سرکاری پلامرزی کنوکیں یک مردمے بیران بیتگ – تیرگواری ءِ زد ءَ اتکگیں یک مردمے زدگ بیتگ –

تیرگواری ءِ سوب ءَ بیران بیتگیں مرد ءِ پجار شئیب ءِ نام ءَ زانگ بیتگ –

دمگی مردمانی رد ءَ بیران بیتگیں مردم ءِ سیادی ڈیتھ اسکواڈ ءِ ٹولی ءَ اِنت –

زانگ بہ بیت بلوچ سیاسی ءُ چاگردی تکاں بندوکیں مردمانی رد ءَ بلوچستان ءَ پاکستانی چیریں ادارہ ءُ پوج ءِ سروکی ءَ برجم کرتگیں ڈیتھ اسکواڈ ءِ ٹولی بلوچ آجوئی دوستانی ھلاپ ءَ جوڑ کنگ بیتگ ھمے وڑ ءَ زرواریں ٹولی ءَ گوں بندوکیں مردم دُزی ءُ دگہ جرماں روچ ءِ رھمانی کنگ ءَ اَنت –

گوستگیں روچاں کیچ ءِ دمگ ڈنک ءَ دُزی ءِ وھد ءَ تیرگواری ءِ وھد ءَ یک زالبولے بیران ءُ کسان سالیں برمش زدگ بیتگ اَت چریشی ءَ پد بلوچستان ءَ ھوار دگہ جاھاں زھرشانی درچ بندات بیتگ اَنت – بیتگیں ویل ءِ واستا زھرشانیانی درچ برجاہ اِنت ءُ وھدیکہ دراں ڈیھاں ھم زھرشانیانی جار پِرینگ بیتگ اَنت –

پنجگور بلوچستان ءِ دگہ دمگانی وڑ ءَ ھم تیرگواریانی کوش، آوارجنیانی آماچ اِنت، دو روچ ءَ پیسر پنجگور چتکان ءَ پی ٹی وی ءِ نزیک ءَ المکبول کمپنی ءِ گیٹ ءَ ناشناسیں مردم پتریتگ ءَ تیرگواری اِش کرتگ ءُ سَے مردم شایان ھان، رازی ھان ءُ سگیر ء سجاد جھمنند سوردو زدگ بیتگ اَنت –

ھمے روچ ءَ یک دگہ ویلے ءَ پولیس ءَ چتکان مانشجاہ ءَ ممتاز ء ھاجی مکبول ءِ تیرسپتگیں جون چِتگ –

ایشی ءَ پیسر چتکان ءَ تیرگواری ءِ ویل ءَ فرنٹیئر کور ءِ کارندہ ناشناسیں پرپٹ سوارانی تیرگواری ءَ بیران بیتگ اَت کہ ایشی ءِ زمہ واری بلوچ ریپبلکن آرمی ءِ جارکش بیبگر بلوچ ءَ من اِتگ اَت ءُ گْوشتگ اَت کہ مئے سرمچاراں تیرگواری کرتگ ءُ پاکستان ءِ ملٹری انٹیلیجنس ءِ آفیسر نائک مھمد ھان کُشتگ – کُشتگیں آفیسر گوستگیں بازیں سالاں پنجگور ءَ ریاستی ڈیتھ اسکواڈ، دُزی ءُ گُنڈایانی سروکی ءَ کنگ بیتگ –

مروچی ءِ تیرگواری ءِ ویل ءِ بارو ءَ تنی وھدی دگہ سرپدی نہ بیتگ ءُ گیشیں پَٹ ءُ پول دمگدار کنگ ءَ اَنت-