عبدللہ بزرگزادہ ترکیہ ءِ چیریں ادارھاں آوار جتگ

عبدللہ بزرگزادہ ترکیہ ءِ چیریں ادارھاں آوار جتگ

دی بلوچستان پوسٹ

حبیب اللہ سربازی ءِ بْرات اچ وتی لوگ ءَ ماں ترکیہ ءَ آوار جنگ بیتگ –

بلوچ راجی جھد کار واجہ عبدللہ بزرگزادہ پنچ شمبے ءِ بامگواہ ءَ ماں وتی لوگ ءَ گرگ بوتگ
حبیب اللہ سربازی ءَ اے بارہ ءَ گْوشتگ؛ زیگ تان اِنت کہ منی برات گوں من ءَ ءُ لوگمان مردماں ءُ چہ آئی ءِ دوستاں ھچ وڑیں رھوتے نہ بوتگ، داں مروچی زُھر ءَ آئی ءَ پمّن کلوھے دیم دات کہ میت ءَ ( ترکیہ ءِ چیریں ادارھاں ) من ءَ گپتگ ءُ انچوش گوش اَنت کہ ترا یک ساھتے رند ویل کنیں-

واجہ سربازی ءَ گوشت : ما پگر کرت بلکیں رد پھمی یے بوتگ ءُ آجو کن اَنت ئِے بلے چوش نہ بوت ءُ منی برات ترکیہ چیریں ادارھانی بُنجل ءَ کہ ماں آنکارا ءِ Akyrt دمگ ءَ اِنت برتگ اِش،
من چہ عبدللہ ءَ جست کرت کہ پرچا ترا گپتگ اِش؟ گوشت ئِے، من ءَ گوشتگ اِش کہ تئی ویزا ءِ وھد ھلاس بوتگ ءُ تو انگت ھمد ءَ ئے ءُ نہ شتگ ئے، بلے من ءَ وتی ویزا ءُ پاسپوٹ گون اَنت کہ انگت دو سے روچ وھد اِش ھست، من ءَ وسرا گپتگ اِش ءُ دومی گپ ایش اِنت کہ اے کار وَ پولیس ئیگ اِنت من ءَ پرچا چیریں ادارھاں گپتگ اے کار وَ آئی ءِ نہ اِنت-

سربازی پریشان اِنت کہ عبدللہ ءَ پیسر ءَ ھما پھرہ ءِ زالبولانی کیس ءَ گرگ بوت ءُ 11 سال زندانی آئی ءِ سر ءَ آتک ءُ پمیشکا چہ ملک ءِ واجکاراں لوٹ اِت ئِے کہ من ء چہ اے ملک ءَ بہ کشّ اِت ءُ عبدللہ ترکیہ ءَ آتک ءُ مُکیم بوت،
من ءَ گمان بیت کہ ایران ءِ سرکار ءِ دست ھور اِنت ھمایا گراینتگ، من ءُ منی لوگمان ءِ مردم سک پریشان ایں-

گوشگ لوٹ ایت کہ راجی جھدکار عبدللہ بزرگزادہ کہ مردماں پہ 41 پھرھی زالبولاں کہ آیانی سر ءَ زیاتی بوتگ اَت زھرشانی کت کہ عبدللہ ایران ءِ چیریں ادارھاں گپت ءُ 11 سال زندانی آئی سر ءَ ھکم اِش بست ما 120 ملیونی سندے ایر کرت ءُ آجو کناینت ءُ عبدللہ ءَ ایران ویل کرت
آئی ءِ بندیگ بوگ ءِ وھد ءَ چہ 100 راجی جھد کار ءَ گیش ءُ پھِل کنگ ءِ سازمان ء بین الملل آئی ءِ آجوئی ءِ لوٹوک بوت اَنت-