کیچ ءِ دمگ دشت ءَ ایف سی ءِ چوکی ءِ سر ءَ بیتگیں اُرش ءِ زمہ واری ءَ منّیں- بی ار اے

دورجنگیں توپک ءِ گون ءَ یک کارندھے نشانگ کرتگ ءُ کُشتگ – بیبگر بلوچ

دی بلوچستان پوسٹ

بلوچ ریپبلکن آرمی ءِ جارکش بیبگر بلوچ ءَ رسانکدراں شنگ کرتگیں وتی یک بیانے ءِ تہ ءَ گْوشتگ کہ گوستگیں روچ ءِ سھب ءَ دشت ءُ تمپ ءِ میانی دمگ مزنبند ءِ کوھی دمگ ءَ نوکیں راہ ءَ ایف سی ءِ چیک پوسٹ ءِ سر ءَ دورجنگ ءِ توپک ءِ گون ءَ اُرش کرتگ ءُ یک کارندھے کُشتگ –

بیبگر بلوچ ءَ گْوشت کہ مئے اے وڑیں کاروائی آجو بلوچستان ءِ گڈی منزل ءَ داں برجاہ مان اَنت –

زانگ بہ بیت بلوچستان ءِ جتاھیں ھند ءُ دمگانی تھءَ بلوچ سرمچارانی نیمگءَ چہ پاکستانی پوج ءُ ایپ سی ءِ سرا اُرش برجاہ اَنت۔ گیشتریں وھدءَ پاکستانی پوج چُشیں ارشاں پد میتگ ءُ ھنکینانی سرا بیڑ بارت ءُ لس مردمانی بیگواہ کنگ ءُ ٹپی کنگ ءِ ھال ھم دیما کاینت ۔