رھمان گل کے انت؟ بی ایل اے ءِ نوکیں شائر سروک ”مرید“ ءِ کسہ

الم بوانیت

نوشکی ءِ یک سیاسی ءُ لبزانکی چہ لوگے ءَ پاکستانی پوج ، ءُ چہ اود ءَ بلوچ لبریشن آرمی ءِ سروکی ءَ داں ۔ اے گچینی چھرگ ءِ واستا دی بلوچستان پوسٹ ءَ جست بی ایل اے ءِ آفیشل ای میل روان داتگ انت ۔جارکش جیئند بلوچ ءِ نیمگ ءَ سر بیتگیں پسواں گچینی اھوالے جوڑ بیتگ۔

دی بلوچستان پوسٹ ءِ گچینی اھوال

رھمان گل وھدیکہ بلوچ لبریشن آرمی ءَ ھوار بیتگ گڑا ترندیں ھیلکاری یے گوازینتگ انت ، پیسر ءَ چِل روچ ءَ لنگری ( ورگ جوڑ کنگ ،ھیران شودگ ، ھمک روچی ئیں کار، دارے مُچ کنگ) ءِ کارے کتگ ۔ آ پاکستانی پوج ءِ کیٹنے بیتگ ۔کاکول ءَ ھیلکاری یے زرتگ ، وزیرستان ءُ کشمیر ءَ بیگ ءِ ھیلکاری آئی ءِ ھمراہ بیتگ، بلے بولان ءَ بنداتی زمہ واری یے لنگری بیتگ ۔ ھما گل ءَ آئی ءِ بنداتی سپر ھمک روچی کاراں گوں بندات بیتگ نی ھماھی ءَ آ وتی نوکیں کمانڈر ان چیف گچین کنگ ءِ جار جتگ۔

بی ایل اے ءِ نیمگ ءَ شنگ بیتگیں درشان ءِ رد ءَ سینئر کمانڈ کونسل ءِ گپ ءُ گل ءِ سروک ءُ کمانڈراں گوں گپ ءُ تران ءَ پد رھمان گل پنام ءِ مرید گچین کتگ ۔ درشان ءَ آئی ءَ گوستگیں باسک سینئر کمانڈ کونسل ءُ مجید بریگیڈ ءِ کمانڈر گوشتگ ۔ جار ءِ پجار ءِ رد ءَ آ گل ءِ تہ ءَ جتا جتائیں زمہ واریانی سمبالوکیں کلانیں کمانڈر ءِ دروشم ءَ اتکگ ، بلے آئی ءِ زندمان ءِ یک بھرے فوجی اگدواں ابید ڈن ءَ جاڑیگ انت ۔

براھوئی لبزانک ءِ بازیں وانوک آئی ءَ “مرید” ءِ نام ءَ زان انت ۔ آئی ءِ زندمان ءَ شائری فوج ءِ روگ ءَ پیش بندات بیتگ ، پوجی نوکری ءِ وھد ءَ اوشت ءِ آماچ بیتگ ،ءُ بولان ءِ سر بیگ ءَ پد دوبر نبشتگ کنگ ءَ بندات بیتگ ۔ لوگ ءِ یاتاں مات ءِ گوشتگیں اردو شائری ءُ درشان کتگیں جنگ ءِ کسہ بیتگ انت ، یک گوھارے ھستے کہ اسکول ءِ گوشتانکے نبشتگ کتگ ءُ داتگ انتے ءُ میکسم گورکی ءِ ناول “ ماں “ کہ آئی ءِ مات ءَ ونتگ۔

چہ کسانی ءَ آئی ءِ لوگ ءَ داں بولان ءِ کوھاں سر بوگ ءِ میان ءَ پاکستانی لشکر ءِ ملازمی کیت انت ۔ آئی ءِ زندگی جاور یکیں روچ ءَ مٹ نہ بیتگ انت ستک دی بیتگ ، پد ءَ پٹ ءُ پول ءُ پد گپ ءُ رپ ، دزکشی اتکگ ، ءُ یک ھنچیں جاورے اتکگ کہ آئی ءَ وھد لگ اتگ ۔ ھمے سپر ءَ نوکیں سروکی ءِ کمے رسمی پجار ءَ آئی ءِ دیم ءَ کسہ پریچ بنت انت۔

نوشکی ءِ گوازی ءِ میدان

۱۴ اگست ۱۹۸۴ ءَ میر افضل خان مینگل ءُ مینا مینگل ءِ گِس ءَ چمے پچ کنوکیں رھمان گل ءِ سیادی نوشکی ءِ زگر مینگل ٹک ءَ انت ۔ آئی ءِ کسانی ءِ یاداں سیاسی باوست ءَ پیسر میدان ، ڈگار ،دھکانکاری ءِ جاور ء دمگی گوازی کاینت انت ۔ باڈی ، ٹلی ، کانچ ءَ تیر ءُ بیڑی اے گوازیاں ھوار بیتگ کہ ایشاں میتگ ءَ ھمراھے ھوار بیتگ انت ۔ آئی ءِ یاداں نوشکی ءَ ھنچیں ھمک روچی درے رس ایت چریشی ءَ لشکری پجار ءَ کساسی کم جاگہ رس ایت ۔

آئی ءَ بنداتی وانگ نوشکی گورنمنٹ ماڈل ھائی اسکول ءَ کتگ ءُ پد ءَ شال ڈگری کالج ءَ ونتگے ۔ آئی ءِ وانگ ءِ سپر ءَ لوگ ءِ سیاست ءُ لبزانک ءِ گپ ءُ تران یکشل ءَ برجاہ بیتگ ۔ گل خان نصیر ءِ بارو ءَ الم گپ بیتگ ۔ مات ءَ آئی ءَ اردو شائری گوشدارینتگ ، ھمے وڑ پت ءَ لونگ خان مینگل ءُ آئی ءِ جنگ ءِ بارو ءَ کسہ گوشتگ انت ۔ چوشکہ یکیں لوگ ءَ لبز ءُ سلاہ بندیں گھگیری سو جتا جتائیں تھر جاڑیگ بیتگ انت ۔ نامداریں بلوچ راجدوست رھشون ، گوستگیں اُستانی وزیر ، راجدپتر نبشتگ کنوک ءُ شائر گل خان نصیر ءُ ھپتاد ءِ دھک ءَ نامداریں گوریلا کمانڈر لونگ خان مینگل آئی ءِ پت ءُ مات ءِ ناکو بیتگ انت ۔ گوستگیں گورنر بلوچستان امیرالملک مینگل آئی ءِ ناکو بیتگ ۔ اے کھول ءِ تران شائری ، راجدوستی سیاست ، سلاہ بندیں جھد ءُ سرکاری سروکی ءِ یکیں کھول ءِ پتر ءَ گندگ بیت انت ۔ بلے اے سیادیاں رھمان گل ءِ رندی پیسلھاں سرپد بوگ آئی ءِ سپر ءَ زلورت ءَ گیش تچک کنت۔

آئی ءِ پت ھپتاد ءِ دھک ءَ بلوچ سلاہ بندیں گھگیری ءِ ھوار بیتگ کساس ھپت سال ءَ کوھاں بیتگ ءُگھگیری یے گوازینتگ ۔ ھما وھد ءِ کسہ لوگ ءِ گپ ءُ ترانانی توک ءَ ھوار انت ۔ پت ءِ گوشدارینتگیں کسہ ءُ مات ءِ شائری ءَ سیاسی راجدپتر ءَ آئی ءِ واستا تھنا کتاب ءَ نبشتگ کنگ ءِ وئیل جاگہ نہ داتگ انت ۔ آ کھول ءِ یات بیتت انت ، چریشی ءَ لھتے وئیل یکشل توار کن انت لھتے نام زاتی نزیکی ءِ ھواری ءَ یات کنگ بنت۔

آئی ءِ گوھار بولان میڈیکل کالج ءَ وانگ ءَ بیتگ ءُ بلوچ اسٹوڈنٹس آرگنائزیشن ءَ گوں بندوک بیتگ ۔ اسکول ءَ گشتانک ءِ موہ اتکگ گڑا گوھار ءَ نبشتگ کتگ ءُ داتگ انت ۔ لوگ ءَ گورکی ءِ “ماں” ھم جاڑیگ بیتگ کہ مات ءَ ونتگ بیتگ۔ آئی ءِ سرجمیں ھال ایوک ءَ نامداریں ناماں نہ انت بلکیں ھما جاوران انت کہ اود ءَ سیاسی گپ ، شَیر ، گشتانک ءُ پٹ ءُ پول ءِ جتا جتائیں پرکاری بیتگ انت ۔ ایشی ءَ ابید ورنائیں رھمان گل ءِ دیم ءِ گام پاکستانی پوج ءِ نیمگ ءَ چست بیتگ انت ۔

کاکول ءِ سپر

پوج ءَ روگ ءِ پیسلہ رھمان گل ءِ کوھنیں زاتی شوک ءِ آسری نہ گشتگ ، یک براتے رینجرز ءَ شتگ بیتگ ، یک براتے پوج ءَ ھوار بیتگ ، کسانی ءِ ھم مکتب پنامی گوھرام ھم آئی ءَ یک سالے پیسر پوج ءَ شتگ بیتگ ۔ ھمے نزیکیں دروراں پوج ءِ ملازمت ءِ ھیالے اتکگ انت ۔کھول ءِ سیاسی روایت ءُ بنکی گچینی آ وھد ءَ یکیں تور ءَ نہ بیتگ انت ۔

آ ۲۰۰۲ ءَ پاکستانی ملٹری اکیڈمی کاکول ءَ شتگ ءُ ۲۰۰۴ ءَ ھیلکاری یے سرجم کتگ ۔ پوج ءِ گون ءَ وانگ ءِ ھواری ءَ پشاور یونیورسٹی ءَ گریجویشنے سرجم کتگ ۔

آئی ءِ یونٹ ۱۹ فرنٹیئر فورس ( پفر ٹائیگر) بیتگ ، ایشی ءِ ھواری ءَ اوکاڑہ ءَ بیتگ ۔ پد ءَ زرباری ءُ گوریچانی وزیرستان ءُ کشمیر ءَ بیتگ۔ گوریچانی وزیرستان ءَ میرانشاہ ءُ کشمیر ءَ کھوئی رٹہ ھم آئی ءَ ھوار بیتگ ۔ آ سیکنڈ لیفٹیننٹ ءَ لیفٹیننٹ ءُ پد ءَ کیپٹن جوڑ بیتگ ۔ فوج ءِ یل دیگ ءِ وھد ءَ آ میجر رینک ءَ ھیلکاری ءَ بیتگ ۔ فوج ءَ پلٹون کمانڈر ، کمپنی کمانڈر ءُ بٹالین کوارٹر ماسٹر ءِ زمہ واریاں ھم سمبالگ ءَ بیتگ۔

آئی ءِ گون ءَ ھمے ملازمت ءِ لھتے یات آئی ءِ واستا بے چینی ءُ جستانی سبب جوڑ بیتگ انت ۔ آئی ءِ درشانداب ءِ مٹی ءَ ایوک ءَ فوجی زانتکاری ءَ یک ادارھے ءَ دومی ءَ داں سر بوگ ءِ کسہ ءَ سرپد بوگ ءَ آئی ءِ سیاسی ءُ اکلاکی گپاں ڈالچار کنگی انت ۔ فوج ءِ توک ءَ بیتگ ءُ وتی کار ءُ آئی ءِ آسریاں آئی ءِ جیڑگاں گیشی اتکگ ۔

وزیرستان ءِ یات

رھمان گل وتی مازگ ءِ سر ءَ سانمند کنوکیں یک وئیلے ءَ ۲۰۰۴ ءِ گڈسر ءَ گوش ایت ۔ آئی ءِ رد ءَ میرانشاہ ءَ آئی ءِ ٹولی ءَ یک کمپانے ءِ سر ءَ بیڑ برگ ءِ زمہ واری دیگ بیتگ ۔ ڈن ءَ جاڑیگیں یک دومی فوجی ٹولی ءَ وتسر ءَ یک ٹرکے ءِ سر ءَ تیرگواری کتگ کہ ٹرک ءَ سواریں کھولے ءِ مردم جنگ بیتگ انت ۔ مِروکانی تہ ءَ چار زالبول، پنچ زھگ ءُ دومی مردم ھوار بیتگ انت ۔لاش ڈویژن ھیڈکوارٹر ءَ آرگ بیتگ انت ، اود ءَ لھتے آیانی نزیک ءَ نیشتگ بیتگ۔

نواب اکبر بگٹی ءِ بیرانی ءَ پد فوج ءِ یل دیگ ءِ ھیال گیش ود اتگ انت ۔ آ ھمے وھد ءَ شال ءَ یک پیشہ وارنہ کورسے ءِ درچ ءَ جاڑیگ بیتگ ءُ ھمے روچ ءَ چٹی ءَ بیتگ۔ آ ھبر ءَ پد آئی ءَ بلوچ سیاست ءِ درگت ءَ پٹ ءُ پول گیش کتگ ۔ توار روتاک ءُ ھستیں ویب سائٹ ءَ وانگ ءَ لگ اتگ ۔ کشمیر ءَ بیگ ءِ وھد ءَ انٹرنیٹ آئی ءِ واستا باوستانئ یک درے بیتگ ۔ سنگتاں گیشتر پنامی گوھرام ءِ گون ءَ بلوچ سیاست ءُ گھگیری سر ءَ گپ ءُ تران بوتگ انت۔

بالاچ مری ءِ بیرانی ءَ پد اے سپر ءِ دومی پیلسہ کنوکیں در پچ بیتگ ۔ ھمے وھد ءَ آ کشمیر ءَ کھوئی رٹہ ءَ بیتگ۔ چریشی ءَ پد آئی ءَ کساس یک ماھے ءَ پد دزکشی کتگ ۔ منگ نامہ ءُ سرجمی ءِ امل سرجم نہ بیتگ کساس یک سالے لگ اتگے ۔ جی ایچ کیو ء ھستیں انٹیلی جنس ادارھانی کاروائی ءِ امل ھوار بیتگ۔

بولان ءَ نوکیں زندمان

۱۰ فروری ۲۰۱۰ ءَ رھمان گل پنامی گوھرام ءِ ھواری ءَ بولان ءَ سر بیتگ انت ءُ بی ایل اے ءَ ھوار بیتگ انت۔ رھمان گل ءِ واستا یک ھنچیں جاورے بیتگ کہ اود ءَ زبان ، گپ ءُ تران ، مزاک ، سیادی ءُ کوھی زندگی ھمک روچی مٹیاں اجب گوستگیں ملازمتی جتا بیتگ انت ۔اے مٹی ءِ مشلاں آئی ءِ واستا گچینی وھد بیتگ انت ۔اود ءَ پوجی ھیلکاری ءِ سروک بیگ وتسر ءَ جیڑہ نہ بیتگ ۔ بنداتی ایڈجسٹمنٹ ترند بیتگ ۔ لھتے ھمراھانی ھیالات تچک ءَ سما بیتگ انت ، لھتے جیڑھاں آئی ءَ اجب لگ اتگ انت ۔ آئی ءَ وتی ھمراھی ءَ فوجی کتاب ھم آورتگ انت ، بلے بندات گپ ءُ تران ءَ آ ماھول جاڑیگ نہ بیتگ چریشی ءَ آئی ءَ گمان بیتگ کہ نوکیں ماھول ءِ سرپد بوگ ءُ وتی تجربگ آئی ءَ جاگہ دیگ ءِ میان ءَ پرکے بیتگ۔

بنداتی چِل روچاں لنگری آئی ءِ یاتاں یک گوزوکیں زندمانے ءِ سرجمیں اھوال انت۔آ فوج ءِ یک ھیلکاری ءِ ھیلجاہ ءَ دراتکگ ءُ یک ھنچیں گلے ءَ اتکگ آسانی گوست ءِ ملازمت ءَ کم ءُ چکاسی دوسر گیش بیتگ انت۔

اسلم بلوچ ، آئی ءَ آ استاد اسلم گوش ایت ۔ اے وھد ءِ بنجاھی کرد انت ۔ آئی ءَ گل ءِ نیزوری ءُ کارانی ھوارینگ وتی جستانی واستا سرجمی ءَ گپ ءُ ترانے بیتگ آ ھمے سیادی ءَ ھنچش گچین گوش ایت کہ آئی ءَ ابید جد ءُ جھد بھر نہ بیتگ ۔ اسلم بلوچ رھمان گل ءِ راستیں استاد جوڑ بیتگ۔

یک سالے ءَ گیش بی ایل اے ءِ سہاھی ءِ دروشم ءَ کار کنگ ءَ پد زھمان گل ءِ زمہ واری ءُ گل زمہ واری گیش آیگ ءَ بندات بیتگ انت ۔ بنداتی ءَ آئی ءِ سر ءِ ھیلکاری ءِ زمہ واری دیگ بیتگ انت ۔آ بی ایل اے ءَ نوک آیوکیں جنگولاں ترندجانیں ھیلکاری یے داتگ انت آئی ءَ جتا جتائیں تک ءُ ھم درور ، جتا جتائیں جاھاں چاگردی پژدر ءُ شھراں آیوکیں ورنایاں کار کنگ ءِ موھے را اتگ ۔ھما ورنایاں یک سانچے ءَ کنگ ، آیانی آورتگیں تجربگ ءُ زانشتاں شری ءِ نیمگ ءَ برگ ، جتا جتائیں پژدرانی ندارگانی رنگ ءُ چھرگاں سرپد بوگ رھبندانی برجم کنگ یک ھنچیں وھدے بیتگ چریشی ءَ پد بنجل ءِ کمانڈ ءُ گیشیں انتزامیہ زمہ واریانئ واستا بنکی کردے پیلو کتگ ۔

ٹریننگ ءَ پد آ گشت کمانڈ بیتگ ءُ پد ءَ کیمپ کمانڈ بیتگ اے وھداں آئی ءَ وتی گوستگیں لشکری ھیلکاری کوھی ءُ گوریلا جنگ ءِ امل بندکی دروشم ءِ جوڑینگ ءَ جھدے کتگ ،چریشی ءَ ہد آ بی ایل اے ءِ آپریشنل کمانڈ بیتگ ۔

یک روایتے ءِ رد ءِ ۲۰۱۸ ءَ پد ھما وڑیں ھمراھانی گون ءَ روھتے ءُ ھمگرنچی یے گیش بیتگ چشکہ آ بی ایل اے ءَ روایتی گوریلا ٹولی ءِ بیگ ءَ ابید سرجم ءَ نوکیں فوجی درشمے ءِ دیگ ءُ بنھشت ءَ نوکیں نکشے ءَ ھوارینگ ءِ ھک ءَ بیتگ ۔آئی ءِ ھم دروریں ھمراھانی گون ءَ یکجاہ بیتگ ٹریننگ ءِ نزام ، بنجلاں رھبند ءُ راز ، کمانڈ چین ءُ آپریشنل ءِ چن ءُ لانچاں پروفیشنل جوڑ کنگ ءِ کار دیم ءَ جنز اتگ ۔ اسلم بلوچ ءِ نمیرانی ءَ پد بنجاھی زمہ واری یے گیش بیتگ انت ۔ رھمان گل بی ایل اے ءِ سینئریں کمانڈ کونسل ءِ بھر جوڑ بیتگ ءُ بازیں وھداں گل ءِ جھلانکیں جیڑھانی سمبالگے زمہ واری یے دیگ بیتگ انت ۔

ھمے گل ءِ پنجگاں یک ناماں تریں درے مجید بریگیڈ ءِ کمان ءِ سمبالگ انت۔ ایشیا ءِ ھترناکتریں نامینتگیں فدائی ٹولی مجید بریگیڈ ءِ پیشی کمانڈر آئی ءِ بنھشت ایر کنوک اسلم بلوچ بیتگ، ۲۰۱۸ ءَ کندھار ءَ یک وتکش تراکے ءَ آئی ءِ بیرانی ءَ پد مجید بریگیڈ ءِ کمان ءِ زمہ واری رھمان گل ءِ دست ءَ دیگ بیتگ انت۔

ھما شائری دوبر بندات بیتگ

رھمان گل ءِ شائری پوج ءِ روگ ءَ پیسریگ انت ۔ پوج ءِ وھد ءَ اے درچ اوشت ءِ آماچ بیتگ، بولان ءَ لبزانکی شوک ءِ داروکیں مردمانی میان ءَ دوبر بندات بیتگ ۔ اے واتری ءِ درشان جاورانی پیم ءَ پدراھی انت پیش ءَ لوگ ءَ گوشداروکیں شائری ییتگ پد ءَ یک وھدے ، پد ءَ دومی لکوک ءُ ونوکانیں ھمراھانی لبزاں واترینتگ راستی ءَ جنگ ءَ ھوار بیتگیں شائری ءَ ھیال مٹ بیتگ انے ، درد ھمراھانی جتائی ،امیت ءَ جتا جتائیں جاور دابیں لبز اتکگ ۔آ سپر ، ودار ءُ جنگ ءَ پیش ءُ پد جاورھالانی نبشتگ کنگ ءِ گپ اش جتگ ۔ ھمراھانی سدگ ءِ سر ءَ لکوکیں مردم ءِ میان ءَ تجربگ ءِ مزنیں دور ھست انت ۔ ایشی ءَ ابید لبزانک آئی ءِ درشان کتگیں سپر ءِ دوئیں سراں جاڑیگ انت ۔

اولی کتاب ،رخصت آف ، ایشی ءِ مانا ،ھواریں یکجا، دومی کتاب ،پد رند ،مانا ، شوھاز ،ءِ نام ءَ اتکگ ۔ سیمی کتاب ،شال ئنا بشخند ،مانا شال ءِ بچکند ءِ شنگ ءُ تالان بیتگ۔

جنگ ءِ کجام بھر ءِ وئیل یک روچے ءِ بیت انت بلے آئی ءِ اندر ءَ گوزکیں دروشم سالانی سال پشت کپ انت۔رھمان گل وتی شائری ءَ ھما دیر ءَ پشکپتگیں زانشت ءَ گوں بندوک کنت انت۔ ملازمت ءُ اگدوانی میان ءَ زندگی ءِ ھما بھر کہ تھاریاں نہ گوستگ گڑا آ درشان ءِ واستا دگہ زبانے لوٹ اتگ۔ بولان ءَ یک دراجیں وھدے ءَ پد وتی تجربگ ءِ لبزانی دیگے بنداتے کتگ ۔ پیش آئی ءَ دومی مردمانی شائری گوشداشتگ انت نی آئی ءِ وتی نبشتگیں چیز سما کنگ ءُ نبشتگ کنگ بوگ ءَ انت۔ اے بھر ءَ یک اُمرے گوستگ ، مرید ، ھما اُمر ءِ لبزانکی نام انت ۔ھما نام کہ آئی ءَ ھچ اگدوے ءِ ھد نبشتگ نہ انت بلے آئی ءِ پشت ءَ گوستگیں وھد ، سستگیں یاتانی بوجیگ جاڑیگ انت ۔ آئی ءِ زندمان ءَ پوجی ءُ گل ءِجاورانی ھسابی گوشگ بیت انت ۔ اے جاوراں گوز ءَ آئی ءَچیزے پشت کپتگ۔ اے کساس سر بوگ ءَ داں آئی ءَُنبشتگیں لبز وانگ لوٹ انت

نوکتریں