بلوچستان ءِ دمگ تمپ ءَ گوستگیں شپ ءَ پاکستانی لشکر ءُ ڈیتھ اسکواڈ ءِ نیمگ ءَ بازیں لوگانی سر ءَ بیڑ برگ ءِ میان ءَ زَر,سُھر , گاڑیاں ھوار دگہ بازیں گران نھادیں سامانانی گوں وت برگ ءِ ھال دیم اتکگ انت, وھدے ھمے میان ءَ وھاب ء پکیر مھمد ھم دزگیر کتگ ءُ چیریں جاھاں برگ ءِ ھال سر بیتگ انت۔
دمگی مردمانی رد ءَ شپ ءِ تھاری ءَ بازیں لوگانی سر ءَ بیڑ برگ بیتگ ,جنین ءُ چُک تُرس آماچ کنگ بیتگ انت ءُ لوگانی تہ ءَ چہ زَر ءُ سُھر گاڑی ءُ دگہ گران نھادیں سامانانی برگ ءِ ھم ھال انت۔
دمگی مردمانی گُشگ انت کہ بیڑ ءِ میان ءَ وھاب ء پکیر مھمد ھم چہ جند ءِ لوگ ءَ دزگیر کنگ ءَ پد چیریں جاھاں برگ بیتگ, آئی بابت ءَ کھول ءَ ھچ وڑیں سرپدی دیگ بیگ ءَ نہ انت۔