بلوچستان ءِ جتا جتائیں دمگ ءُ پاکستان ءِ شہر چہ اسلام آباد ءَ یک کسان سالیں نودربرے ءَ ھوار سئے مردمانی زورانسری ءَ بیگواہ کنگ ءِ اھوال دیم ءَ اتکگ اَنت۔
ھالانی رد ءَ پنجگور ءِ دمگ پروم ءِ نندوکیں 35 سالی ئیں رھمدل بلوچ ء محمد صالح 24 اکتوبر 2026 ءَ بیگاہ ءِ چار ءُ نیم ءَ ایف سی کیمپ، پروم ءَ چہ ایف سی ءُ ایم آئی ءِ کارندہاں دزگیر کتگ ءُ ناشناسیں جاھے ءَ برتگ۔ رھمدل بلوچ ءِ کار ءُ کسب دکانداری انت۔
دومی وئیل ءَ شال ءِ شھر ائیرپورٹ روڈ کلی عالم خان ءِ نندوکیں 23 سالی ئیں نودربر حزب اللہ لانگو ء عبدالغفور لانگو 12 جولائی 2026 ءَ روچ ءِ سئے ءُ نیم ءَ سی ٹی ڈی ءِ کارندہاں چہ ائیرپورٹ روڈ ءَ دزگیر ءُ بیگواہ کتگ۔
وھدے کہ سیمی وئیل ءَ ڈیرہ غازی خان ءِ نندوکیں 15 سالی ئیں نودربر وقاس بلوچ ء احسان اللہ 30 اکتوبر 2026 ءَ سھب ءِ 11بج ءَ اسلام آباد ءِ سینٹورس مال ءَ چہ سی ٹی ڈی ءِ کارندہاں دزگیر کتگ ءُ ناشناسیں جاھے ءَ برتگ۔