بلوچستان ءِ دمگ نوشکی ءِ ھژدہ ھول پوسٹ ءَ ھواریں ریکو نوشکی – خاران ءِ دگ ءَ پیش گامی کنوکیں پاکستانی فوج ءِ سر ءَ سلاہ بندیں مردمانی نشانگ کنگ ءِ ھال انت۔
دمگی مردمانی رد ءَ گوستگیں شپ ءَ مزنیں کساسے ءَ سلاہ بندیں مردماں ھژدہ ھول ءِ پوسٹ نشانگ جوڑ کتگ ءُ پد ءَ بازیں کلاکاں لشکر ءُ سلاہ بندیں مردمانی نیام ءَ جنگ برجاہ بوتگ۔
ھالانی رد ءَ مرچی سھب ءَ گیشیں لشکر ءَ دمگ ءَ سر بوھگ ءِ کوشست کتگ بلے ریکو ءِ جاہ ءَ پیشگامی ءِ وھد ءَ اُرش ءِ ھال دیم ءَ اتکگ۔
دومی نیمگ ءَ یک جتاھیں رپورٹے ءِ تہ ءَ اے گپ ءِ پدراھی کنگ بوتگ کہ کرخ ءِ دمگ ءَ لکھارو ءِ پُل تراک ءَ تباہ کنگ بوتگ۔