بلوچستان ءِ تیابدپی شھر گوادر پسنی ءَ تراکناکیں شوروانی تراک ءَ پاکستانی پوج ءِ میجر بیران۔
گیشیں اھوالانی رد ءَ مروچی سھب ءَ پسنی شادیکور ءَ پاکستانی پوج ءِ گاڑی تراکناکیں شوروانی نشانگ کنگ بیتگ کہ چریشی ءَ تراک ءِ آسر ءَ پوج ءِ میجر وجاھت بیران ءُ سَے کارندہ ٹپی بیتگ انت۔
زانگ بہ بیت شادیکور ءَ ھوار بلوچستان ءِ دگہ جاھاں فوج ءَ وتی سر ءُ پر گیش کتگ انت ءُ اود ءَ پوج لس آبادیانی سر ءَ زوراکی ءَ لڈینگ ءَ ھم دزبند انت بلے گیشتریں جاھاں پوج ءَ میڑانی دیمپانی انت۔
پسنی ءَ ھوار بلوچستان ءِ دگہ جاھاں ھم پاکستانی فوج ءُ آئی ءَ بندوکیں کارندہ اُرشانی دیمپان انت۔
بلوچستان ءِ تیابدپی دمگاں ھمے زوتاں جیونی ءَ یل اُرشے ءَ پاکستانی فوج ءِ سیزدہ کارندہ کشگ بیتگ انت کہ اے اُرش ءِ زمہ واری بلوچ لبریشن آرمی ءَ زرتگ ات۔
بلوچستان ءِ تیابدپی دمگاں گیش بوتگیں اُرشانی تہ ءَ گیشی گندگ آیگ انت ایشی ءَ چہ زانگ بیت انت بلوچ سلاہ بندیں گل وت ءَ تیابدپی دمگاں مھکمیں رنگے ءَ دیم ءَ آرگ ءَ انت کہ اود ءَ مزنیں آفیسرانی بیرانیانی ھواری ءَ پوج ءِ کارندھاں اُرشانی دیمپانی انت۔