بلوچستان ءِ دمگ خضدار ءَ ناشناسیں سلاہ بندیں مردماں سنگ مرمر ءِ کارخانہ ءِ سر ءَ اُرش کتگ ءُ اودا کار کنوکیں 18 مزدور آوار جتگ انت۔
پولیس ءِ رد ءَ اے سنگ مرمر ءِ کارخانہ چہ خضدار ءَ نزیک ءَ 35 تاں 40 کلومیٹر ءِ دوری ءَ نال ءِ دمگ بیسار کوھی دمگ ءِ نزیک ءَ اِنت۔
پولیس ءِ بنشون ءِ گشگ ءِ رد ءَ شمبے ءِ روچ ءَ شپ ءَ بازیں کچے ءَ سلاہ بندیں مردم گاڑی ءُ موٹر سائیکلانی سر ءَ کارخانہ ءِ تہ ءَ اتکگ ءُ اود ءَ کار کنوکیں کارمنداں گوں وت اش برتگ انت۔
پولیس واکدار ءِ گشگ ءِ رد ءَ سلاہ بندیں مردماں چہ کارخانہ ءَ دو گاڑی ءُ یک لوڈرے ھم برتگ۔