بلوچستان لبریشن آرمی (بی ایل اے) ءِ آفیشل چینل ”ہکل“ ءَ گوادر ءِ تیاب دپی دمگ جیونی ءَ پاکستانی کوسٹ گارڈ ءِ کشتیانی سر ءَ اُرش ءِ دو منٹ ءِ ویڈیو شنگ کتگ۔ بی ایل اے ءِ رد ءَ اے اُرش ءَ پاکستانی فورسز ءِ 13 کارندہ مرتگ انت۔
بی ایل اے ءِ نیمگ ءَ شنگ بوتگیں ویڈیو ءِ تہ ءَ سلاہ بندیں مردم کشتی ءِ سر ءَ سواری ءَ گندگ بنت۔ گل ءِ رد ءَ اے مردم آئی ءِ بھری یونٹ ”حمل میرین ڈیفنس فورس“ ءِ سرمچار اَنت کہ آیاں جیونی ءِ تیابدپی دمگ ءَ دریا ءَ گشت کنوکیں پاکستانی کوسٹ گارڈ ءِ دو مزنیں کشتی نشانگ جوڑ کتگ انت۔
حمل میرین ڈیفنس فورس بلوچ لبریشن آرمی ءِ نیمگ ءَ چہ دیم ءَ آؤرتگیں یک نیول یونٹے کہ ایشی ءِ جوڑ کنگ ءِ جار 13 اپریل 2026 ءَ گل ءَ جتگ۔
بی ایل اے ءِ نیمگ ءَ اے یونٹ ءِ نیمگ ءَ دومی آپریشن اِنت۔ بی ایل اے ءَ 12 اپریل 2026 ءَ جیونی ءِ دمگ مل تیاب ءِ نزیک ءَ پاکستانی بحری گشت ءِ کشتی نشانگ جوڑ کنگ ءِ کاروائی وتی بحری یونٹ ءِ اولی کاروائی لیک اتگ ات۔