بلوچستان ءِ دمگ لسبیلہ ءِ ھند والپٹ ءَ پاکستانی سیکورٹی فورسز ءِ کاروان ءِ سر ءَ اُرش ءَ پد شال ءُ کراچی نیشنل ہائی وے ءِ روانی ءِ واستا بند کنگ بوتگ۔
بنشون ءِ رد ءَ بیلہ ءِ نزیک ءَ شیشا ہوٹل ءِ شاھدگ ءِ سر ءَ ھر وڑیں ٹریفک بند کنگ بوتگ، شھدگ ءِ بند بوھگ ءِ سبب ءَ جتا جتائیں جاھاں گاڑیانی دراجیں لین جوڑ بوتگ۔
زانگ بہ بیت کہ مرچی سھب ءَ لسبیلہ ءِ دمگ والپٹ ءَ پاکستانی لشکر ءِ کاروان نشانگ جوڑ کنگ بوتگ۔ اے اُرش ءِ زمہ واری بلوچ لبریشن آرمی ءَ من اتگ ات ءُ پاکستانی فورسز ءِ کارندہانی بیرانی ءُ ٹپیگ ءِ جار ھم جتگ ات۔