دی بلوچستان نیوز ڈیسک ءَ رس اتگیں ھالانی رد ءَ ھزدار ءِ دمگ وڈ ءَ شپ ءِ 10 بج ءَ ایف سی ءَ عزیز یار محمد گرگناڑی نامیں مردمے ءِ لوگ ءِ سر ءَ بیڑ برتگ ءُ ھمے وھد ءَ تیرگواری کتگ کہ ایشی ءِ آسر ءَ چار مردم بیران ءُ یک جنینے سک ٹپیگ بوتگ۔
ایشی ءَ ابید گوستگیں روچ ءَ بوتگیں بمبتراک ءِ آسر ءَ بلبُل ءِ شھر زہری ءَ ابراہیم ءِ زھگ 13 سالی زھگ شفیق بیران بوتگ ءُ ھمے وت چہ دہ ءَ گیش پس ءُ گوک ھم مرتگ اَنت۔
بلوچستان نیشنل پارٹی ءِ بنجاھی جارکش ءَ گشتگ کہ گوستگیں شپ ءَ سونارو پاٹ کور، کلی یار محمد ءَ ایف سی ءِ نیمگ ءَ چہ شھری آبادی ءِ سر ءَ بے رھبندیں تیر گواری کنگ بوتگ کہ ایشی ءِ آسر ءَ چار بے گناھیں ، بے سلاہ ءُ بے گناھیں مردم شھید بوتگ ءُ زالبول ءُ زھگانی ٹپی بوگ ءَ سکا ایر جنت ءُ وئیل ءِ ھلاپ ءَ دمگ ءِ مردماں گوستگیں شپ ءَ چہ شال ءُ کراچی شاہ راہ بند کتگ ۔
زھرشانی کنوکانی گوشگ انت دَہ ستمبر ءِ شپ ءِ ساھت دَہ ءَ وڈھ ءِ دمگ سونارو ءَ کلی یار محمد گرگناڑی ءَ پورسز ءِ نیمگ ءَ کورکائی تیرگواری چار مردم شھید بیتگ انت ءُ بازیں کچے ءَ زالبول ءُ زھگ زدگ بیتگ انت-
آیانی رد ءَ بیران ءُ زدگ بیتگیں مردم گریب، مھنت کش ءُ پرامنیں شھری انت کہ کرناں اے دمگاں آباد انت-