بلوچ لبریشن آرمی ءِ جارکش جیئند بلوچ ءَ شنگ کتگیں درشان ءَ گوشتگ سرمچاراں گوستگیں دہ روچانی تہ ءَ سرجمیں بلوچستان ءَ 45 جتا جتائیں اُرش کتگ انت ءُ زورگریں پاکستانی لشکر ءُ آئی ءِ چاریگ نشانگ کتگ انت۔ اے اُرشانی تہ ءَ زورگیریں لشکر ءِ 49 کارندہ مرتگ انت ءُ مزنیں کساسے ءَ ٹپیگ بوتگ اَنت ءُ پورسز ءِ بازیں پوسٹ کنٹرول کتگ اَنت ءُ سلاہ ءُ فوجی سامان دستیگ کتگ اَنت۔ اے کارروائیانی تہ ءَ آئی ای ڈی ءِ تراک، اُرش ءُ تچک ءَ سلاہ بندیں اُرش ھوار انت۔ پاکستان ءِ بلوچستان ءَ زرکاری بندش ءِ تَک ءَ شھدگانی سر ءَ کنٹرول برجاہ انت-
جارکش ءَ گوشتگ 19 اگست ءَ شال ءِ شھر ءَ سرمچاراں یکیں وھد ءَ کیچی بیگ پولیس اسٹیشن ءُ منیر احمد روڈ ءَ پاکستانی لشکر ءِ کیمپ ءِ سر ءَ گوں دستی بماں اُرش کتگ۔ اے اُرشانی تہ ءَ لشکر ءَ مزنیں کساسے ءَ جانی ءُ مالی تاوان رس اتگ انت۔
آئی ءَ گوشتگ 22 اگست ءَ زہری ءِ دمگ بلبل ءِ ’چوتو‘ ءَ آئی ای ڈی ءِ اُرش ءَ دو زورگیریں لشکر ءِ کارندہ مرتگ ءُ دو دگہ سک ٹپیگ بوتگ اَنت۔ دژمن ءِ لشکر ھما وھد ءَ نشانگ جوڑ کتگ کہ لس روچی رنگ ءَ جنزگ ءَ بیتگ۔ ھمے روچ ءَ نوشکی ءِ ’چڑھائی‘ ءَ سرمچاراں یک تجارتی گاڑی یے ءَ را تاوان داتگ ءُ پد ءَ سلاہ بندیں اُرشانی تہ ءَ زورگیریں لشکر ءِ پیادگیں کارندہ تاوان داتگ اَنت۔
قلات ءِ دمگ مرجان ءَ زورگیریں لشکر ءِ سربستگ ءُ کہ ایشی ءِ تہ ءَ 4 کارندہ جاہ پہ جاہ ءَ مرتگ اَنت۔ ھمے وڑ مستونگ ءِ دمگ کھڈکوچپ ءَ بلوچ لبریشن آرمی ءِ اسپیشل ٹیکٹیکل آپریشن اسکواڈ ءَ زورگیر لشکر ءِ.بکتربندیں گاڑی آئی ای ڈی ءِ تراک ءَ گوں تباہ کتگ۔ ایشی ءَ پد دگہ بکتر بندیں گاڑی یے ءَ گوں مزنیں سلاھاں سک باز تاوان رس اتگ وھدے کہ زورگیریں لشکر ءِ دگہ گاڑی یے ھم اُرش ءِ آماچ بوتگ۔ اے ترندیں اُرش ءَ زورگیریں لشکر ءِ 13 سپاھیگ مرتگ ءُ 10 ءَ چہ گیش ٹپیگ بوتگ اَنت ءُ اے جنگانی تہ ءَ بی ایل اے ءِ یک سرمچار علی حیدر پنام ءِ کمال شھید بیتگ-
جارکش ءَ گوشتگ ھاران ءِ دمگ البت ءَ سرمچاراں راکٹ ءُ دگہ مزنیں سلاہاں گوں زورگیریں لشکر ءِ مستریں کیمپ نشانگ جوڑ کتگ۔ اے درگت ءَ سرمچاراں خاران ءِ ’نیامدرگی‘ ءِ جاہ ءَ شاھدگ ساھتانی ساھت بند کتگ۔ ھمے روچ ءَ سرمچاراں واشک ءِ دمگ ارماگئے ءَ سلاہ بندیں اُرش ءَ زورگیریں لشکر نشانگ جوڑ کتگ کہ ایشی ءِ تہ ءَ زورگیریں لشکر ءِ 3 سپاھیگ مرتگ ءُ بازینے ٹپیگ بوتگ اَنت وھدے کہ یک فوجی گاڑی یے ناکارہ بوتگ۔
دیمترا سرمچاران چاگی ءِ دمگ دالبندین ءِ ’چارسر‘ ءِ جاہ ءَ تجارتی گاڑی ءُ زورگیریں لشکر ءِ کاروان ءِ سر ءَ اُرش کتگ۔ اے اُرش ءَ زورگیریں لشکر ءِ 5 سپاھیگ مرتگ ءُ بازینے ٹپیگ بوتگ اَنت وھدیکہ تجارتی گاڑی ءَ ھم تاوان رس اتگ۔
جارکش ءَ گوشتگ 23 اگست ءَ تربت ءِ دمگ حیر آباد ءَ سرمچاراں اولی رند ءَ زورگیریں لشکر ءِ کاروانانی پھزداری ھاترا پیادگیں سپاھیگ نشانگ جوڑ کتگ ءُ پد ءَ دژمن ءِ مستریں کاروان ءِ سر ءَ اُرش کتگ کہ ایشی ءِ آسر ءَ دژمن ءِ 3 سپاھیگ مرتگ ءُ 3 ٹپیگ بوتگ اَنت۔
آئی ءَ گوشتگ 23 اگست ءَ ماشکیل ءَ سرمچاراں 2 لیویز ءِ کارندہ دزگیر کتگ انت کہ آھانی ھلاپ ءَ بھتہ ءِ کار ءَ ھوار بوھگ ءِ شکایت رس اتگ۔ گپتگیں کارندھانی سلاہ پچگپتگ انت ءُ آ ترندیں بیھار ءَ پد یلہ کنگ بوتگ انت۔
ھمے روچ ءَ پشین ءِ دمگ سرنان ءَ سرمچاراں پنجاب ءَ گوں سیادی داروکیں زورگیریں پاکستانی لشکر ءِ فوجی انٹیلی جنس ءِ 6 ایجنٹ کُشتگ اَنت۔ اے کارندہ سفر ءِ وھد ءَ دزگیر کنگ بوتگ انت۔
دیمترا سرمچاراں چاگی (دالبندین) ءِ ’چھتر‘ ءَ چہ تجارتی راہ ءَ چہ 4 تجارتی گاڑی گپتگ ءُ ناکارہ کتگ اَنت۔
جارکش ءَ گوشتگ 25 اگست ءَ ھاران ءِ دمگ دالی ءَ سرمچاراں 3 کسٹم ءِ کارندہ دزگیر کتگ کہ آ چہ آھاں جست ءُ پرس کنگ بوھگ ءَ اِنت۔ ھمے روچ ءَ خاران (البت) ءَ زورگیریں لشکر ءِ مستریں کیمپ ءَ اوشتاتگیں بوتگیں کارندہ اسنائپر ءِ اُرش ءَ کشتگ۔ ایشی ءَ ابید سرمچاراں سوراب ءِ ‘مل مدرسہ’ ءِ نزیک ءَ آئی ای ڈی اُرش ءَ زورگیریں لشکر ءِ بمب ڈسپوزل اسکواڈ ءِ کارندہ نشانگ جوڑ کتگ اَنت کہ ایشی ءِ تہ ءَ 2 کارندہ ٹپیگ بوتگ اَنت۔
جارکش ءَ گوشتگ 26 اگست ءِ شپ ءَ بلوچ لبریشن آرمی ءِ سرمچاراں ھاران شھر ءِ ریڈ زون ءَ ھوار دگہ ھاسیں جاگہ سوبمندیں رنگے ءَ وتی دست ءَ گپت انت ءُ چیک پوائنٹ جوڑ کت انت ءُ اسنیپ چیکنگ ءِ امل برجاہ داشتگ۔ سرمچاراں 3 پولیس ءِ کارندہ ریڈ زون ءِ ڈی آئی جی ءِ کارگس ءِ دیم ءَ دزگیر کتگ ءُ آیانی سلاہ پچگپتگ ءُ پولیس ءِ وین سوتکگ ءُ پُر کتگ۔ دزگیر کتگیں کارنسہ رند ءَ یلہ کتگ انت۔ سرمچاراں ریڈ زون ءِ میان ءَ دژمن ءِ چوکی ءُ سرویلنس ٹاور گوں تراک ءَ تباہ کتگ انت ءُ دگہ یونٹے ءَ کلان بائی پاس ءِ ‘لتاڑ چیک پوسٹ’ ءِ سر ءَ گوں راکٹ ءُ دگہ مزنیں سلاہاں اُرش کتگ ءُ دژمن ءَ مزنیں تاوانے داتگ۔
ھمے روچ ءَ نوشکی ءِ دمگ گرانو ءَ سرمچاراں پاکستانی لشکر ءِ چاریگ عطا اللہ جمالدینی ءِ چُک ثنا اللہ (جھمنند کلی جمالدینی نوشکی) کُشتگ۔ اے مرد گوستگیں سالبءَ بی ایل اے ءِ اُرش ءَ کشگ بیتگیں ریاستی گچینی کارندہ معاویہ جمالدینی ءِ نزیکیں ھمراھے بیتگ۔ چاریگ ثناء اللہ زورگیریں فوج ءِ ھاتر ءَ چاریگی بھرزیگ، کُشت ءُ کوش ءُ شھری مردمانی لوگانی سر ءَ اُرش کنگ ءَ تچک ءَ ھوار بوتگ۔
چاگی (دالبندین) ءِ گیس پلانٹ ءَ پوسٹ بوتگیں کارمندے دزگیر کتگ ءُ آئی ءِ سلاہ پچگپتگ انت۔
جارکش ءَ گوشتگ 27 اگست ءَ چاگی ءِ دمگ چھتر ءَ سرمچاراں زورگیریں لشکر ءِ کارمرز کتگیں ریسٹ ھاؤس کنٹرول کتگ ءُ مانداشتگ۔ ھمے روچ ءَ سرمچاراں بارکھان ءِ دمگ شانی ءَ یک رھوتی ٹاورے تباہ کتگ۔
جارکش ءَ گوشتگ 28 اگست ءَ سرمچاراں مستونگ ءِ پنگو ءِ دمگ ءَ مزن شھدگ ءِ سر ءَ بندش جتگ ءُ سنیپ چیکنگ برجاہ داشتگ۔ ھمے شپ ءَ سرمچاراں چاگی ءِ چھتر بازار کنٹرول کتگ ءُ 4 کلاک ءَ اسنیپ چیکنگ کتگ۔ دومی نیمگ ءَ سرمچاراں خضدار ءِ دمگ ونگو ءَ سی پیک ءِ راہ ءِ سر ءَ ناکہ بندی کتگ سرجمیں شپ ءَ برجاہ بوتگ۔ دومی روچ ءَ 11 بج ءَ زورگیریں لشکر ءَ دمگ ءَ دیم ءَ روگ ءِ جھد کتگ کہ سرمچاراں سنگر گپتگ ءُ نشانگ جوڑ کتگ۔ زورگیریں لشکر ءِ بکتربندین ءُ دگہ گاڑی اُرش ءِ آماچ بوتگ اَنت کہ ایشی ءِ آسر ءَ دژمن ءِ 3 کارندہ جاہ پہ جاہ ءَ مرتگ اَنت ءُ کم چہ کم 4 ٹپیگ بوتگ اَنت۔
آئی ءَ گوشتگ 29 اگست ءَ.تربت ءِ دمگ حیر آباد ءَ سرمچاراں زورگیریں لشکر ءِ کاروان ءِ سربستگ ءُ نشانگ جوڑ کتگ کہ ایشی ءِ تہ ءَ 3 کارندہ مرتگ انت ءُ 4 ءَ چہ گیش ٹپیگ بوتگ اَنت۔ دومی نیمگ ءَ مستونگ ءِ گرو ءِ دمگ ءَ سرمچاراں زورگیریں لشکر نشانگ جوڑ کتگ کہ آ سامان ءِ سر کنگ ءِ جھد ءَ بیتگ۔ اے اُرش ءَ زورگیریں لشکر ءِ 2 کارندہ مرتگ ءُ بازینے ٹپیگ بوتگ اَنت۔
ھمے روچ ءَ سرمچاراں چاگی (چھتر) ءَ یک تجارتی گاڑی یے گپتگ، چھتر، کرودک، نوکچاہ ءُ گیس پلانٹ ءَ بازیں کلاکاں راہ بستگ ءُ بازیں کلاکاں اسنیپ چیکنگ برجاہ داشتگ۔ دومی نیمگ ءَ حب سٹی ءِ گلف ہوٹل ءِ نزیک ءَ زورگیریں لشکر ءَ گوں سیادی داروکیں نیشنل لاجسٹکس کارپوریشن ءِ ٹینکر لِچوکیں بمب ءِ زور ءَ تباہ کتگ۔ ایشی ءَ ابید سرمچاراں کیچ ءِ دمگ دشت ءِ ’دریا چم‘ ءِ جاہ ءَ آئی ای ڈی ءِ اُرش ءَ موٹر سائیکل ءِ سر ءَ سواریں زورگیریں لشکر ءِ کارندہ نشانگ جوڑ کتگ ءُ تاوان داتگ۔
جارکش ءَ گوشتگ 30 اگست ءَ قلعہ عبداللہ ءِ دمگ گلستان ءَ سرمچاراں ’’ڈیتھ اسکواڈ‘‘ ءِ پناہ گاھانی سر ءَ اُرش کتگ۔ اے اُرش ءَ 2 کارندہ مرتگ ءُ کم چہ کم 3 ٹپیگ بوتگ اَنت ءُ پناہ گاہ ءِ یک بھرے تباہ بوتگ۔ ھمے روچ ءَ سرمچاراں چاگی (چھتر) ءَ تجارتی راہ ءِ سر ءَ یک تجارتی گاڑی یے دستیگ کتگ۔
مستونگ شھر ءِ نزیک ءَ سرمچاراں زورگیریں لشکر ءِ کارندہ سید نور ء بختیار خان سمالانی (جھمنند شاھرگ) چی تیرگواری ءَ مرتگ۔ اے مرد ورنایانی زوراناری بیگواہ کنگ ءُ فوجی زوراکیاں زورگیریں فوج ءِ آسراتی ءِ تہ ءَ تچک ءَ ھوار بوتگ۔
ھمے روچ ءَ واشک ءَ گوں زور گیریں لشکر ءَ جنگ ءُ چوپانی وھد ءَ بی ایل اے ءِ بھادریں سرمچار سنگت لال خان پنام ءِ دُرک شھید بیتگ۔ سوراب ءِ ’جوری کراس‘ ءَ زورگیریں لشکر ءَ گوں ترندین جنگ ءُ چوپ ءِ وھد ءَ دگہ دو سرمچار سنگت زھور احمد لانگو پنام ءِ شکاری ءُ پنام ءِ فوجی شھید بیتگ انت-
جارکش ءَ گوشتگ 31 اگست ءَ ھاران ءِ دمگ دالی ءَ سرمچاراں زورگیریں لشکر ءِ کاروان ءِ سربستگ ءُ اُرش کتگ کہ ایشی ءِ تہ ءَ دژمن ءِ بازیں کارندہ مرتگ ءُ ٹپیگ بوتگ اَنت۔ دومی نیمگ ءَ مستونگ ءِ دمگ کردگاپ ءَ سرمچاراں دو جتا جتائیں اُرشانی وھد ءَ یک تجارتی گاڑی یے دست کپتگ ءُ سلاہ بندیں اُرش ءِ تہ ءَ تجارتی گاڑیانی کاروان نشانگ جوڑ کتگ۔ چہ ایشی ءَ ابید آیاں چاگی ءِ ’کانال‘ ءُ ’لیڑہ ریک‘ ءَ لیویز فورس ءِ دو پوسٹ کنٹرول کتگ ءُ سلاہ ءُ گاڑی دستیگ کتگ اَنت ءُ دزگیریں کارندہ گل ءِ پالیسی ءِ رد ءَ یلہ کنگ بوتگ اَنت۔
جارکش ءَ گوشتگ 7 اگست ءَ واشک ءَ زورگیریں لشکر ءِ ڈرون اُرش ءَ بی ایل اے ءِ دو سرمچار مولوی عمران پنام ءِ عمر ءُ منیر احمد پنام ءِ عبدالبصر شھید بوتگ اَنت۔ وھدے کہ 14 جولائی 2026 ءَ مستونگ ءِ دمگ دشت ءَ زورگیریں لشکر ءِ ڈرون اُرش ءَ سنگت شیرباز بنگلزئی پنام ءِ گزین شھید بوتگ۔
جارکش ءَ گوشتگ بلوچ لبریشن آرمی وتن شیدائی ءَ وتی ساھانی ندر کنوکیں وتی گچینی شھیداں شھید علی حیدر پنام کمال،شنید سنگت لعل خان پنام ءِ دُرک،شھید سنگت ظہور احمد لانگو پنام ءں شکاری،شھید سنگت پنام ءِ فوجی،شجید مولوی عمران پنام ءِ شھید عمر ،شھید منیر احمد پنام ءِ عبدالبصیر ءُ شھید سنگت شیرباز بنگلزئی پنام ءِ گزین ءِ بے مٹیں کربانیاں گچینی رنگے ءَ ستاشانی ءَ سھر چکیں دروت ندر کنت ءُ اے شھیدانی سھر چکیں ھوناں ھیساریں بلوچ راجی جد ءُ جھد ءِ آسناکیں تاک ءُ سرمچارانی ھمت ءِ سربرزی کانیگ انت- بی ایل اے وتی شھیدانی ارمانانی پاسداری ءَ کنان ءَ اے کول ءَ کنت زورگریں لشکر، آئی ءِ کمکار ءُ لُٹ ءُ پُلی منسوبگانی ھلاپ ءَ زرکاری بندش ءَ ھوار دراھیں تَکاں سرجمیں زور ءَ گوں برجاہ بیت انت- آیانی مشن آجو ءُ وتواجھیں بلوچستان ءِ سرجمی ءَ گوں ھر نھاد ءَ گڈی آسری ءَ سر کنگ بیت انت-