بلوچ لبریشن آرمی ءِ آفیشل چینل ھکل ءَ یک منٹ ءُ سی ءُ ھشت سیکنڈ ءِ ویڈیو شنگ کتگ کہ ایشی ءِ تہ ءَ پاکستانی لشکر ءِ بکتربندیں گاڑی نشانگ جوڑ کنگ بوتگ اَنت۔
ھکل میڈیا ءِ رد ءَ بلوچ لبریشن آرمی ءِ سرمچاراں مستونگ ءِ دمگ کھڈکوچہ ءَ پاکستانی لشکر ءِ کاروان نشانگ جوڑ کتگ ءُ آئی ای ڈی تراک ءَ بکتربندیں گاڑی یے تباہ کتگ ءُ دگہ بکتربندجں گاڑی ءُ آئی ءِ ھمراھیں گاڑی ءِ سربستگ ءُ اُرش کتگ اَنت۔
بی ایل اے ءِ رد ءَ اے ھترناکیں اُرش ءَ فوج ءِ 13 کارندہ مرتگ ءُ 10 ءَ چہ گیش ٹپی بوتگ انت۔ بی ایل اے ءِ جارکش ءَ گشتگ کہ گل ءِ اسپیشل ٹیکٹیکل آپریشن اسکواڈ (STOS) ءَ ھم بھر زرتگ-
ویڈیو ءَ گندگ بیت کہ بی ایل اے سرمچار کاروان ءِ آیگ ءَ پیسر یک پُھلے ءِ چیر ءَ مزنیں کساسے ءَ شورو ایر کنگ ءَ اَنت ءُ چو کہ بکتر بندیں گاڑی ءِ کاروان ءِ آیگ ءَ گوں یک ترندیں تراکے ءَ بکتر بندیں گاڑی برز ءَ چِست بیت ءُ ٹکر ٹکر بیت انت۔
ویڈیو ءِ تہ ءَ اُرش ءِ ڈرون فوٹیج ءِ ھمراھی ءَ سرمچار پد ءَ جتگیں بکتر بندیں گاڑی ءَ ماندارگ ءِ ندارگ ہم ھوار انت۔ اے میان ءَ دگہ سرمچار دگ ءِ سر ءَ ھم گندگ بہ اَنت۔