کھڈ کوچہ ءُ تربت ءَ پورسز ءِ سر ءَ بیران ءُ زدگینانی ھال راست

بلوچستان ءِ دو جتا جتائیں جاھاں پوج ءِ سر ءَ اُرش، واکداراں پوج ءِ یک کارندھے ءِ بیران ءُ سَے ٹپی بوگ ءِ ھال راست کتگ انت-

چہ مستونگ ءَ سر بیتگیں ھالانی رد ءَ مستونگ کھڈ کوچہ ءَ گرو ءِ ھند ءَ پوج ءِ کاروان ءِ سر ءَ سلاہ بنداں اُرش کتگ-

دمگی مردمانی رد ءَ گرو ءَ اے ھنچیں وھدے ءَ پیش اتکگ کہ گوستگیں یک ھپتگے ءَ کھڈ کوچہ ءُ کش ءُ گوری دمگاں جاورھال یکشل ءَ ناگیگ انت-

دومی وئیل تربت حیر آباد ءَ زبیدہ جلال دگ ءَ ایف سی ءِ کاروان ءِ سر ءَ سلاہ بنداں اُرش کتگ ءُ چریشی ءَ واکداراں یک کارندھے ءِ بیران ءُ سَے ٹپی بوگ ءِ ھال راست کتگ انت-

واکدارانی رد ءَ اے کاروان مند ءَ روگ ءَ بیتگ کہ سلاہ بنداں اُرش کتگ –

زدگ بیتگیں کارندی ایف سی ھیڈکوارٹر ءَ سر کنگ بیتگ انت-