بلوچستان ءِ جتاجتائیں دمگاں اُرشانی تہ ءَ پاکستانی لشکر ءَ تاوانانی دیمپانی بیتگ۔
مرچی سھب ءَ دالبندین ءِ دمگ نوکچاہ ءَ سلاہ بندیں مردماں پاکستانی اُرد ءِ پیادگیں کارندہ ھما وھد ءَ نشانگ جوڑ کتگ اَنت وھدے کہ آ دمگ ءَ آپریشن ءَ گوں دزبند بیتگ اَنت۔
دومی نیمگ ءَ کلات شھر ءِ نزیک ءَ دشت ءِ دمگ ءَ پاکستانی لشکر ءِ سئے بکتر بندیں گاڑی سلاہبنداں راکٹ ءُ دگہ سلاھاں گوں نشانگ جوڑ کتگ اَنت۔
چہ ایشی ءَ ابید سلاہ بندیں مردماں مستونگ ءِ دمگ کنڈ عمرانی ءَ فورسز ءِ سنگرانی کارندہ نشانگ جوڑ کنگ بیتگ اَنت۔
اے وئیلانی تہ ءَ فورسز ءَ جانی تاوانانی ھال ھست بلے انگت ءَ اے درگت ءَ واکداراں ھچ وڑیں ھال ءُ اھوال نہ داتگ۔