بلوچستان ءِ دمگ پنجگور ءِ ھند تسپ ءَ یک ورنایے بیگواہ کنگ بیتگ، اود ءَ پاکستانی پوج ءَ شپ ءَ یک لوگے ءِ سر ءَ بیڑبرتگ ءُ ورنایے شھباز ء حاجی خان محمد وتی ھمراھی ءَ برتگ-
کھول ءِ رِد ءَ اے وئیل دو اگست 2026 ءِ شپ کساس دوازدہ بیتگ، وھدے پاکستانی پوج ءِ کارندھاں تسپ ءَ ھستیں حاجی خان محمد ءِ لوگ انگیر ءَ کتگ پٹ ءُ پول ءَ پد ورنائیں بچ شھباز آوار جتگ ءُ ناشناسیں جاھے ءَ برتگ-
شھباز ءِ درگت ءَ ھچ وڑیں ھال دیگ نہ بیتگ نانکہ کھول ءَ دزگیری ءِ سوب گوشتگ ناں بیگواھی ءِ ھند-
کھول ءَ تُرس ودی کتگ کہ ورنا ءِ زورانسری آوار جنی ءِ دیمپانی اِنت آیاں لوٹ کتگ کہ اگاں شھباز ءِ ھلاپ ءَ کجام وڑیں بھتامے ھست گُڑا آ کانودی رِد ءَ آمیدگس ءَ پیش کنگ بہ بیت-