مستونگ ءُ پنجگور ءَ پوج ءِ سر ءَ اُرش سوراب ءَ ناکہ بندی کنگ بیتگ

بلوچستان ءِ جتاجتائیں دمگ مستونگ ءُ پنجگور ءَ پاکستانی پوج ءِ سر ءَ اُرش وھدے سوراب سلاہ بندانی نیمگ ءَ ناکہ بندی کنگ بیتگ-

اِھوالکار ءِ رِد ءَ پنجگور ءِ گچینیں دمگ ائیرپورٹ دگ سر ءَ پاکستانی پوج ءِ سے گاڑیاں ھمگرنچیں کاروان گوں تراک ءَ نشانگ کتگ-

دمگی اِھوالکار ءِ گوشگ اِِنت کہ تراک ءِ نشانگ ءَ پوجی کاروان ءِ سئیں گاڑی اَتکگ اَنت، وھدے کہ وئیل ءَ پوج ءَ جانی تاوان ھم چست کنگ کپتگ- بلے سرکاری نیمگ ءَ تنی وھدے پدری کنگ نہ بیتگ ءُ ناں بیران ءُ ٹپیانی کچانی درگت ءَ درشان شنگ کنگ بیتگ-

اِھوالکار ءِ تراک ءَ پد پاکستانی پوج ءَ ائیرپورٹ دگ ءُ چتکان بازار انگیر ءَ کتگ تھی ءُ ڈنی راھانی سر ءَ ناکہ بندی کتگ ءُ دمگ ءَ پٹ ءُ پول کاروائی بندات کتگ-

ھمے وڑ گوستگیں روچ ءَ مستونگ ءِ دمگ تلخھاجی ءَ دو پاکستانی پوج ءِ یک گاڑی یے ھما وھد ءَ اُرش ءِ نشانگ کتگ وھدے آ پوجی بُنجل ءَ چہ دراھگ ءَ بوتگ-

اُرش ءِ میان ءَ تراک ءُ تُرندیں تیرگواری توار اش کنگ بوتگ-

سوراب ءِ دمگ گدر ءَ بُنجاھی شھدگ سر ءَ دو جتاجتائیں ھندانی سر ءَ ناکہ بندی پٹ ءُ پول کتگ-

سلاہ بندیں مردماں گدر جوری کراس ءِ سر ءَ بازیں کلاکاں تاں ناکہ بندی کتگ ءُ اے میان ءُ شکی ئیں گاڑیانی پٹ ءُ پول کتگ-

تنی وھدے سئںیں وئیل ءِ زمہ واری انگت ھچ گل ءَ نہ زرتگ اَنت-