بلوچستان ءَ زورانسری آوار جنی ءِ دگہ سے نوکیں کیس دیم ءَ اَتکگ، آیانی تہ ءَ یک کسان سال ئیں جنکیں نودربر ءُ یازدہ سالی ئیں نودربر ءُ مھکمہ جانسلامتی کاردارے ھوار اِنت- ھالانی رِد ءَ سئیں مردم جتاجتائیں دمگاں چہ پاکستانی پوج ءَ آوار جنگ ءَ پد بیگواہ کتگ-
گیشیں ھالانی رِد ءَ شانزدہ سالی ئیں رضوانہ ء گل جان جھمنند مستونگ کہ فرسٹ ایئر نودربرے بیست ءُ ھشت جون 2026 ءِ شپ کساس دہ ءَ شال ءِ دمگ سریاب /سمنگلی دگ ءَ چہ سی ٹی ڈی کارندھاں آوار جتگ-
دومی وئیل یازدہ سالی ئیں چاکر ء مجید مراد ، جھمنند بلیدہ ،کیچ ھپدہ جولائی 2026 ءِ بیگاہ شش ءِ کساس ھشت ءَ آئی ءِ بُنکی دمگ چہ بلیدہ ءَ ایف سی کارندھاں آوار جنگ ءَ پد بیگواہ کتگ-
ھمے روچ ءَ دگہ یک وئیلے بیست ءُ ھپت سالی ئیں دلشاد بلوچ ء نزر محمد ،جھمنند کوھلو ،کہ بی ایچ یو ءَ ویکسینیٹر ءَ کار ءَ بیتگ ،ھپدہ جولائی 2026 ءِ شپ ءَ کساس ساھت یک ءَ ڈیرہ بگٹی ءِ دمگ چہ بائیکر ءَ سرکاری امن فورس ءَ آوار جتگ ، ءُ پد ءَ سی ٹی ڈی ءِ دست ءَ داتگ-