چہ شال ءَ ھُزدار ءِ جھمنندے پاکستانی پوج ءِ دست ءَ بیگواہ کنگ بیتگ

ھُزدار ءِ دمگ چہ کھنڈ ءَ سیادی داروکیں آصف ء محمد پاکستانی پوج ءَ سیزدہ جولائی 2026 ءَ سُھب ءِ کساس پنچ ءَ شال ءِ دمگ چہ ایمان سٹی، سمنگلی دگ ءَ آوار جتگ ءُ بیگواہ کتگ-

کھول ءِ گْوشگ اِنت کہ اے وئیل ءَ پد آئی ءِ درگت ءَ ھچ وڑیں ھال دز نہ کپتگ چریشی ءِ سوب ءَ سرجمیں کھول سک زھنی آزار ءُ بے تاھیری ءِ آماچ اِنت-

کھول ءِ رِد ءَ آصف ء محمد سیزدہ جولائی ءِ سُھب ءَ ایمان سٹی، سمنگلی دگ ءِ دمگ ءَ ساڑی بیتگ ، اود ءَ چہ پاکستانی پوج ءَ آوار جتگ-

کھول ءَ انسانی ھکانی ءِ گلاں، چاگردی کارکنان، سیاسی پارٹیاں، اِھوالکار ءُ سول سوسائٹی ءَ چہ دزبندی کتگ کہ آ اے درگت ءَ توار چست بہ کن اَنت-