ناکہ بندی ءِ وھد ءَ سلاہ بندیں مردماں فورسز ءِ چیک پوسٹے تباہ کتگ۔
بلوچستان ءِ دمگ ھاران ءَ سر بیتگیں ھالانی رد ءَ سلاہبنداں شال ھاران ءَ شھدگ بستگ ءُ گاڑیانی پٹ ءُ پول کتگ۔
ھالانی رد ءَ ھمے وھد ءَ سلاھبنداں شال ھاران شاھدگ ءِ سر ءَ پاکستانی فورسز ءِ ھالیگیں چیک پوسٹ تراکناکیں شورواں گوں تباہ کتگ۔
سلاہ بندیں مردماں شھدگ ءِ سر ءَ بازیں کلاکاں ناکہ بندی کتگ ءُ روگ ءُ آیوکیں گاڑیانی پٹ ءُ پول کتگ۔
یات بہ بیت کہ بلوچ آجوئی ءِ سلاہ بندیں گل اے دمگ ءَ پرکار اَنت ءُ آ مڈی باریً گاڑیانی چیک کنگ ءُ پاکستانی لشکر ءِ سر ءَ اُرشاں ھوار ناکہ بندی ءَ ھوار ھوار گندگ بنت ۔
بلے انگت ءَ ھچ گل ءَ اے وئیل ءِ زمہ واری نہ زرتگ۔