بلوچ لبریشن آرمی ءِ جارکش جیئند بلوچ ءَ شنگ کتگیں درشان ءَ گوشتگ 8 جولائی ءَ ھزدار شھر ءَ ریاستی چاریگ ءُ بلوچ راجی گدار شفیق مینگل پنام ءِ شفیق لغور (بھگوڑا) ءِ سر ءَ فدائی اُرش ءِ زمہ واری ءَ من ایں۔ اے کاروائی بی ایل اے ءِ فدائی ونگ مجید بریگیڈ ءَ ھما وھد ءَ سرجم کتگ کہ آ وتی ڈیتھ اسکواڈ ءِ باسک ءُ درملکی ناشرکاریں نیٹ ورکس ءِ گون ءَ یک نیادے ءَ گوں دزبند بیتگ-
جارکش ءَ گوشتگ بی ایل اے ءِ انٹیلی جنس ونگ ”زراب“ ءِ نیمگ ءَ چہ دست کپتگیں جوانیں ھالانی رد ءَ شفیق لغور ءِ اے کمپان ءَ بازیں وھدے ءَ بلوچ راجی جھد ءِ ھلاپ ءَ آسراتی ءِ مرکز ءِ بستار ءَ کارمرد کنگ بوگ ءَ بیتگ انت۔ اُرش ءِ وھد ءَ زورگریں ریاست پاکستان ءِ انٹیلی جنس افسر ، میان استمانی ناشرکاریں گل داعش ، لشکر طیبہ ءُ پیسریگیں اوگان سپاھیگانی یکجائی دیوانے برجاہ بوتگ کہ ایشی ءِ مول ءُ مراد زیردستیں بلوچستان ءَ بلوچ راجی نیٹ ورک ءِ ھلاپ ءَ مذھبی ناشرکاری ءَ مھکم کنگ ءُ بلوچ سیاسی باسکانی ھلاپ ءَ نوکیں گلے ءِ نیٹورک ءِ جوڑ کنھ بیگ ءِ شور ءَ بیتگ انت- اے دیوان ءَ شکیل درانی ءُ ثناء اللہ زہری ءِ زھگ امیر حمزہ ھم ھوار بوھگ ءِ جار جنگ بوتگ ات۔ زراب ونگ ءَ بازیں ھپتگاں اے سرجمیں نیٹ ورک ءِ کارانی سر ءَ ھُرت چاری کتگ ءُ ھمے وڑ ءَ نشانگ ءِ ھال پکاہ بوتگ گڑا مجید بریگیڈ ءَ کاروائی کنگ ءِ اجازت داتگ۔
جارکش ءَ گوشتگ بی ایل اے آپریشن ءَ مرتگیں انٹیلی جنس افسر، داعش ءِ کارندہ ءُ پیسریگیں اوگانستان ءِ فوجی کارندھانی ٹپی ءُ بیران بوھگ ءِ ھالاں پہ زانت چیر دیگ ءَ انت کہ زمین ءِ سر ءَ جوڑ بوتگیں اے مجرمانگ گِر ءُ دار ءِ دیم ءَ دارگ بہ بیت۔
جارکش ءَ گوشتگ آپریشن مرگ گداران ءِ اولی بھر مجید برگیڈ ءِ 10 فدائین ءَ کتگ ۔ آپریشن ءِ بندات چہ یک فدائی بمب تراک کنوکے ءَ شفیق لغور ءِ لوگ ءِ مستریں دروازگ ءَ تراکناکیں چیزاں گوں پُریں گاڑی ءِ ٹکر جتگ کہ ایشی ءَ چہ درائیں سیکورٹی باڑ ءُ چیک پوسٹ سیکنڈانی تہ ءَ جھلاد بوتگ انت ءُ اود ءَ نشتگیں نزیک ءَ درجن سلاہ بندیں گارڈ مرتگ انت کہ آہانی کساس بیست بوتگ۔ اے اولی تراک ءَ چہ پد دگہ یک فدائی بمبتراکے ءَ کمپان ءِ تھی ماڑی ءِ تہ ءَ پترتگ ءُ فدائی تراک کتگ ءُ اندری سیکورٹی لائن ءَ سرجم ءَ پروشتگ ءُ دژمن ءِ کمانڈ ءِ سر ھاکاں سَک کتگ۔ اے دوئیں تراکاں پد ھشتیں فدائی اُرشکاراں سوبمندیں رنگے ءَ کمپاؤنڈ ءِ تہ ءَ جاہ گپتگ ءُ اود ءَ سلاہ بندیں کارندھانی سر ءَ گوں وتکاریں سلاھاً تیرگواری کتگ کہ چہ ایشی ءَ دیم پہ دیم جنگ بندات بیتگ۔
جارکش ءَ گوشتگ اے ترندیں جنگ چار کلاکاں گیش برجاہ بوتگ کہ ایشی ءِ تہ ءَ فدائیناں کمپاؤنڈ ءِ جتا جتائیں دمگ چہ وتی جاہ ءَ چہ تباہ کتگ ءُ شفیق لغور ءِ ڈیتھ اسکواڈ ءِ 34 سلاہ بندیں کارندہ کشتگ اَنت۔ اے کُشگ بوتگیں کارندھانی گیشتریں بھر ھما بوتگ اَنت کہ آ بلوچ سیاسی جھدکار، نودربر ءُ لس بلوچ شھریانی کوش، آوار جنگ، زلم ءُ زوراکی، زورانسری بیگواہ کنگ ءُ ٹارگٹ کلنگ ءِ تہ ءَ ھمگرنچ بوتگ اَنت۔ اے آپریشن ءِ وھد ءَ اود ءَ ھستیں پولیس ءُ لیویز ءِ بازیں کارندہ ھم فدائین ءِ دست ءَ کشگ بوتگ اَنت۔ بی ایل اے ءَ اے گپ پدر کتگ کہ اے کُشگ بوتگیں مردم نامی سرکاری کارمند بوتگ اَنت کہ آھاں زور گیریں لشکر ءَ پولیس ءِ نوکری ءُ وردی داتگ اَنت کہ آھاں کانونی رکھینگ بہ بیت بلے راستی ءَ آ درست شفیق ءِ نجی ڈیتھ اسکواڈ ءِ سرجم ءَ مجرمانگ ایجنٹ بوتگ اَنت ءُ آئی ءِ جرماں برابریں شریک بوتگ اَنت چو کہ شفیق لغور ءِ زاتی ملازم ءُ سلاہ بندین پھزدار جرماں ھوار بوتگ انت-
جارکش ءَ گوشتگ اُرش ءِ وھد ءَ شفیق لغور وت لوگ ءِ تہ ءَ بوتگ۔ فدائین ءِ اندری دیمروئی ءَ گوں اے گدار ءِ ھساردار ءُ نپسیاتی بنچک زمین ءَ کپتگ گڑا کمپاؤنڈ ءِ تہ ءَ شفیق لغور ءُ آئی ءِ کارندہانی گریوگ ءُ کمک ءِ گریوگاں گوں ھاسیں رنگے ءَ اشکنگ ءَ بیتگ انت۔ سکا بھ ءُ بکڑی ءِ جاوراں آئی ءَ وتی لوگ ءِ پُشت ءَ شتگ ءُ ٹپ اتگ چہ اود ءَ وتی سلاہ بندیں کارندہانی سر ءَ بے شرپیں گال ءُ گپتار ءِ توار کت کہ درکپ انت ءُ فدائین ءِ دیم ءَ بہ دار ات ءُ ھمے وھد ءَ سکا بھ ءُ بکڑی ءِ تہ ءَ آ وتی یک “کرنلے” ءَ فون ءِ سر ءَ دزبندی کنگ ءَ بیتگ کہ آ زوتیں کمک روان بہ دنت۔ دومی نیمگ ءَ آئی ءِ پگار ءِ کارندہ وتی واجہ ءِ پرمانانی منّگ ءِ بدل ءَ وتی جان ءِ رکّینگ ءِ ھاترا کمپان ءِ تھی کوٹیانی تہ ءَ ٹپ اتگ یا شپادیں پاداں پُشت ءِ کوچگاں رھادگ بوتگ انت۔ اے شُتگیں کارندھانی جاور انچوش بوتگ کہ آھاں وتی سلاہ چگل داتگ ءُ تچگ ءِ جھد ءَ بیتگ انت کہ فدائینانی دست ءَ پُشتکائی تیر اش وارتگ ءُ مرگ ءَ بیتگ انت-
جارکش ءَ گوشتگ شفیق لگور ءَ کمپاؤنڈ ءِ تہ ءِ چیریں زیر زمین راہ کارمرز کتگ ءُ وتی زدگ ءُ مرتگیں سنگت یل داتگ ءُ بلٹ پروف گاڑی ءَ سوار بوتگ ءُ تتکگ ۔ جند ندریاں تچوکیں شفیق لگور ءِ گاڑی ءِ سرا تیرگواری کتگ ءُ آئی ءِ رند ءَ ھم کپتگ انت بلے آئی ءَ وتی بنجاہ ءِ پھازگ ءِ بدل ءَ لٹک مک کتگ ءُ تتکگ ۔ اے بزدلی ءَ تچگ آئی ءِ برات گدار عطاء الرحمن ءِ ارش ءِ وھد ءِ چھرگ ءَ جنت کہ گوست ءَ وھدیکہ بی ایل اے ءَ آ ٹارگٹ کتگ گڑا آئی ءِ کارمند ھم آ پہ مرگ ءَ یل داتگ ءُ تتکگ انت ۔ شفیق لگور ءِ تچگ ءَ پد جند ندریاں آئی ءِ کمپاؤنڈ سرجمی ءَ گپتگ ءُ آودا بچ اتگیں درسیں مردم کشتگ انت ۔
جارکش ءَ گوشتگ اے ٹوھیں آپریشن ءِ میان ءَ مجید برگیڈ ءِ سے ایں دلیریں جند ندریاں دژمن ءِ محاصرہ ءَ ابید شفیق لگور ءِ بلاک ءِ تہ ءَ پترتگ انت ۔ آیاں داں چار ادار ءَ دژمن ءِ بازیں نفری ءِ گوم ءَ ایوک ءَ جنگ داتگ وھدیکہ آیانی گولہ بارود ھلاس بوگ ءَ بوتگ انت گڈا آیاں وت ءَ پوج یا کشندہ ٹولی ءِ دست ءَ مرگ ءِ بدل ءَ بی ایل اے گوستانکی ”گڈی تیر ءِ پلسپہ “ سرا گڈی تیر وت ءَ جتگ ءُ وت ءَ نمیران کتگ ءُ ڈیھے آجوئی ءَ کربان بوتگ انت ۔ دقمی نیمگ ءَ وھدیکہ کمپاؤنڈ ءِ توک سرجم ءَ کلئیر بوتگ گڈا بی ایل اے ءِ ھائی کمان ءَ ایندگہ جند ندری گوشتگ انت کہ آپریشن ءَ ھلاس بہ کن انت ءُ وش ءُ سلامتی در بیا انت ۔ ایندگہ پنچیں جندندر ( کہ آیانی تہ ءَ یک ءِ زدگ بوتگ ) ھزدار ءِ تہ ءِ ءُ کمپاؤنڈ ءِ چاریں نیمگاں پوج ، اے ٹی ایپ ، پولیس ءُ تتکگیں کشندہ ٹولی ءِ کارمندانی انگیر ءَ جوانمردی ءَ در اتکگ انت ءُ وش ءُ سلامتی وتی اوتاکاں سر بوتگ انت ۔ درسیں جند ندریانی پجار ، گل ءُ آیانی زند ءِ درگت ءَ رند ءَ جتا یک درشان ءِ شنگ کنگ بیت انت.
جارکش ءَ گوشتگ کہ شفیق لگور ءِ سرجمیں ھستی ءُ آئی ءِ کھول گدار ابن گدار ابن گدار ءِ درچ ئے ۔ آئی ءِ پیروک نیک مھمد ءَ نوآبادی دور ءَ انگریز پوج ءِ ھمرای داری کتگ مڑاھداریں بلوچ سرمچار علی محمد مینگل ءِ نمیرانی سازش ءُ وتی کرد پیلو کتگ ۔ ھمے گداری کنگ ءَ انگریز ءَ آئی ءِ کھول مال ءُ میراس داتگ ۔ آئی ءَ پد آئی ءِ پت نصیر وتی سرجمیں زند ءَ زورگیریں پاکستانی پوج کٹ ءَ نشتگ ءُ آیانی بٹ چست کتگ ءُ بلوچ راجی زرمبشت ءِ بگیری ءَ چاریگی کتگ ۔ شفیق لگور ءَ وتی پت ءُ پیروکی ھمے سیاھیں گوستانک ءِ دیما بران ءَ وتی سرجمیں زند ناشرکاری ، پرکہ واریت ، دستگوشیں سیاسی باسکانی ھوناں گون وتی دست ششتگ انت ۔ آ بازیں وھدے ءَ لشکر جنگوی ، لشکر طیبہ ءُ داعش ءِ وڈیں ھونواریں ناشرکاریں ٹولیانی ھمراہ بوتگ ءُ ایردستیں بلوچستان ءَ اے گل ھمیشی ءَ جوڑ کتگ انت ۔ شال ءَ ھزاریانی کوش ، سیہون شریف ءُ سندھ ءَ لال شھباز کلندر ءِ مزار ءَ مردمانی سر ءَ وتکش ءَ اشی ءِ دست مان بوتگ ءُ بلکنہ اے کارانی ماسٹر مائینڈ ھمے بوتگ ۔ پاکستانی پوج ءَ اے دست بڈا جتگ ءُ ھزدار ءُ توتک ءَ وتی یک ٹارچر سیل ءِ جوڑ کتگ کہ اود ءَ لس سیاسی باسک آوار جنگ ءُ آرگ بوتگ انت ءُ بازیں لٹ ءُ کٹ ءَ پد زنداتی کل کتگ انت ۔ توتک ءِ یکجاھیں کبر ، کہ اود ءَ 141 بلوچ پرزندانی ژانگولیں جون مان بوتگ آ ھمے شفیق لگورءُ کشندہ ٹولی ءِ کرتوتانی گواہ انت ۔
جارکش ءَ ترندیں گالاں گوں گوشتگ کہ شفیق لگور! تئی تئی دلیری ءُ سلاہ بندانی گرگ ءِ راستی ھمیش ایں کہ شما ورنائیں نودربر ، سیاسی باسک ءُ لس مردمانی سرا زوراکی کنگ ءَ تیار ایت ۔ وھدیکہ شمے دیم پہ دیمی گوں بی ایل اے ءِ دلیریں سرمچاراں بوت گڑا چہ ترس ءَ تئی آہ سلوات ، لٹک مک کنگ ءُ تچگ جھان ءَ دیستگ ۔ پنجاپی پوج ءِ پادانی کپگ ، آیانی بٹانی چٹگ ءُ آیانی سلاھانی ساھگ ءَ دست گوشیں مردمانی ترسینگ ارزان ایں اگاں تئی تہ ءَ کمے جرت بچ اتگ گڑا اے ریاست ءِ بیساکی ءُ سیکورٹی پھزداری ءَ در بیا جنگ ءِ میدان ءَ گوں سرمچاراں دیم پہ دیمی بہ کن ۔ ما تئی ءُ تئی سروکانی اوکات ءَ شری ءَ سرپد ایں تئی ھشکیں بٹاک ءُ گرگ انت ۔ وھدیکہ سرمچار تئی سنگر ءُ تئی لوگ ءِ تہ ءَ پترت ءُ ترا چیلنج ءِ کت گڑا تو وتی لٹک مک کت ءُ تتک ئے ۔
جارکش جیئند بلوچ ءَ گوشتگ اے فدائی آپریشن، بلوچ لبریشن آرمی ءِ یک نوکیں لشکری آپریشنے کہ ایشی ءِ نام “ آپریشن مرگِ گداران” ءِ بنداتی بھرگ انت – بی ایل اے اے وھد ءَ گل ءِ درشمی ءَ سکا تاکتور، نوک ءُ چیریں لشکری یونٹے سرجم کتگ – چوشکہ تچک ءَ اے سرجمیں آپریشن ءِ چار ءُ ٹپاسکاری ءِ زمہ وار انت- اے گچینی یونٹ ءِ بنکی ءُ یکیں کار شفیق لغور ءَ ھوار سرڈگار ءِ سر ءَ سرجمیں مزنیں راجی گدارانی درگیجگ ءُ بے رھمی ءَ آیانی ھلاس کنگ انت- اے آپریشن ءِ بنداتی بھرگ بیتگ کہ ایشی ءَ دشمن ءِ کمکارانی جانانی توک ءَ لرزش کپتگ – شفیق لغور ءَ ھوار آئی ءِ وڑین دگہ دراھیں گدارانی واستا ھچ وڑیں ماپی ءُ بی ایل اے ءِ نیمگ ءَ نرمی نیست انت- مئے توپکانی دیم گون تو انت ءُ نی یک گزب ءُ مئے آیوکیں ھترناکیں اُرش ءِ واستا ساجو بو-