بلوچ لبریشن آرمی ءَ جیونی ءَ پاکستانی پوج ءِ بنجل ءِ سر ءَ بوتگیں اُرش ءِ تامر شنگ کتگ ۔ ھزار کیلو تراکناکیں مواد ءَ لوڑیں ٹرک ءِ بنجل ءَ روگ ءُ ترکگ ءُ بنجل ءِ تباھی ءَ پد ایندگہ کارمندانی سر ءَ گوں سلاھاں اُرش کنگ بیت ۔ کہ زالبولیں سرمچار دیم فرنٹ لائن انت ۔
نھ منٹ ءُ چار سیکنڈ ءِ تامر ءِ تہ ءَ پیشدارگ بوتگ کہ سے جولائی ءَ بلوچ لبریشن آرمی ءِ سرمچاراں نوکیں سلاہ گوں ءُ جیونی ءَ پاکستانی کوسٹ گارڈ ءُ آرمی ءِ یکجاھیں بنجلے ءِ سر ءَ اُرش کنگ ءِ شوربندی ءَ کنگ ءَ انت ۔ اے تامر ءِ ندارگ چہ ڈرون ءُ ایکشن کیمرہ ءَ کشگ بوتگ انت ۔
تامر ءِ تہ ءَ پیش دارگ بوتگ کہ زمین ءِ سر ءَ گوں ڈوکاں بنجل ءِ نکشہ جوڑ کنگ بوتگ ءُ یک زالبولیں سرمچارے ایندگہ سنگتاں سرپدی دئیگ ءَ انت ۔ ایندگہ ندارگاں پیشدارگ بوتگ کہ اے کار ءَ ھواریں مجید برگیڈ ءِ جند ندری عطاء اللہ پنام ءِ اجمل ایندگہ سنگتانی ھمراھی ءَ مزدہ ٹرک ءَ تراکناکیں مواد لڈگ ءَ انت ۔
تامر ءِ تہ ءَ زاھر انت کہ جندندر اجمل ءُ فتح اسکواڈ ءِ ایندگہ سرمچار وتی ٹارگٹ ءِ نیمگ ءَ رؤگ ءَ انت ۔ تامر ءِ تہ ءَ گندگ بیت کہ جندندر اجمل ءَ مزدہ ٹرک گون انت چہ دگ ءَ ایرکپ ایت بنجل ءَ پتر ایت کہ ھما دمان ءَ مزنیں تراک ءِ بیت ۔ تراک ءَ پد سرجمیں بنجل گوں ھاکاں ھوار بیت پر بیت ۔
تامر ءِ تہ ءَ گندگ بیت کہ چریشی ءَ پد بی ایل اے ءِ فتح اسکواڈ ءِ سرمچار گاڑی ءَ سوار انت بنجل ءِ نزیک ءَ رو انت ءُ اود ءَ چہ تراک ءَ رک اتگیں پوجی کارمنداں نشانگ کن انت کہ آیانی ھمراھی ءَ زالبولیں سرمچار ھم گون انت ۔
زانگ بہ بیت گوستگیں ماہ ءَ بی ایل اے ءِ نیمگ ءَ یک تامر بند ءِ شنگ کنگ بوتگ ات کہ آ تامری کلوہ ءَ بلوچ لبریشن آرمی وتی زالبولیں کماندار شھناز بلوچ پنام ءِ سدو ءَ دیم ءَ کار ایت ۔ آئی ءَ پد اے اولی رند انت کہ زالبول فرنٹ لائن ءَ جنگ ءَ گندگ بوتگ انت ۔