بیلہ ءَ پوج ءِ کاروان ءِ سر ءَ اُرش، ھپدہ کارمند مرتگ ءُ پوجی ساز ءُ سامان برتگ اَنت- بی ایل اے

بلوچ لبریشن آرمی ءِ جارکش جیئند بلوچ ءَ شنگ کتگیں درشان ءِ تہ ءَ گْوشتگ کہ مئے سرمچاراں بیلہ ء ھند سر ءَ زورگریں پوج ءِ یک کاروانے ءِ سر ءَ یک مھکم ءُ سوبمندی ءَ سنگر گپتگ ءُ اُرش کتگ ، چریشی ءِ آسر ءَ دُژمنیں پوج ءِ ھپدہ کارندہ مرتگ، وھدے کہ سرمچاراں مرتگیں دُژمنیں کارندھانی کارمرزی سرجمیں نوکیں سلاہ ءُ جنگی ءُ ساز ءُ سامان سوبمندی ءَ چہ وتی دستیگ کتگ اَنت-

جارکش ءَ گْوشتگ کہ اے کاروائی بی ایل اے ءِ درستاں پیسریں فتح اسکواڈ ءَ مروچی سُھب نُھ سی ملٹ ءِ سر ءَ بیلہ ءَ والپٹ ءِ دمگ ءَ شال – کراچی بُنجاھی شھدگ ءِ سر ءَ کتگ- فتح اسکواڈ ءَ زورگریں پاکستانی پوج “ون سندھ رجمنٹ” ءِ چار گاڑیاں ھمگرنچ کاروان ھما وھد ءَ اُرش ءِ نشانگ کتگ وھدے آ کراچی ءَ چہ بسیمہ ءِ نیمگ ءَ جُنزگ ءَ بیتگ اَنت-

جارکش ءَ گوشتگ کہ اے سوبمندیں اُرش بی ایل اے ءِ انٹیلی جنس ونگ، زراب’ دْراجیں سرپدی ،پکائیں چیریں ھال ءُ دُژمن ءِ سُر ءُ پُرانی سر ءَ ھیال گَور کنگ ءِ آسر ءَ بیتگ- اُرش ءِ میان ءَ زورگریں پوج ءِ گاڑی تچکی ءَ اُرش ءِ نشانگ ءَ اَتکگ اَنت، آیاں سوار ھپدہ پوجی کارندہ مرتگ ءُ بازین ئِے سک ٹپی بیتگ اَنت- آیانی تہ ءَ یازدہ کارندھانی کوش پدری وت دُژمنیں پوج نیمگ ءَ چہ کنگ بیتگ، آیانی تہ ءَ صوبیدار وحید، نائیک ثاقب، نائیک ظھیر، سپاھی سجاد، سپاھی وسیم اختر، سپاھی شکور، وی ایم بشارت، سپاھی وقار نور، کوک بلال، لانس نائیک قربان ءُ سپاھی عثمان ھوار اَنت-

جارکش ءَ بلوچ لبریشن آرمی اے کاروائی ء چہ تچک کنت کہ زورگپتگیں بلوچستان دیر ءُ دْراج سرمچارانی دست ءَ اِنت، ساڑی بیگ دمگانی دستیگیں کنگ یکشل ءَ گیش بیگ ءَ اِنت، دُژمن نی وتی جوڑ کتگیں پھازوکی بُنجل ءُ گچین ءِ کار ءُ باری ءُ پوجی شھدگانی سر مھدود اِنت، وھدے کہ بی ایل اے ءَ بلوچستان ءِ پراہ شاھگانیں زمین ءِ سر ءَ وتی سنگر گیش مھکم کتگ اَنت- بُنجاھی شھدگانی سر ءَ دُژمن ءِ کارواناں روچ رھماں نشانگ کنگ ءُ اے راستی ءِ منانک اِنت زمینی مستری ءُ پڑ ءِ دستیگ نو بلوچ گھگیر ءِ ھک ءَ آیگ ءَ اِنت-

جارکش ءَ گوشتگ وتی پوجیانی جانی تاوان ءَ چیردیگ ءُ راستی ءَ پردگ پر کنگ زورگریں پوج ءِ پالیسی وت زورگر ءِ تہ ءَ کپتگیں جزبگ ءُ جُھلیں نا اُمیتی پدری منانک اِنت- بی ایل اے بلوچ راج ءِ راجدپتر ءِ ھک آجوئی ءُ رکینگ ءِ اے جنگ ءَ را وتی شھیدانی ھوناں امانت سرپد بیت، ءُ دانکہ مئے سرڈگار ءَ چہ زورگر ءِ زورگری ءِ گُڈی نشان گار نہ بیت ءُ یک آجو ءُ وتواجھی بلوچ ریاست ءِ جوڑ نہ بیتگ مئے اے اسولی ءُ پگری سپر بیت بید