بلوچستان ءِ جتاجتائیں دمگاں پاکستانی پوج، مڈی ءِ پھازوک بیران، بوزر گاڑی ماندارگ بیتگ

بلوچستان ءِ جتاجتائیں دمگ نوشکی، چمالنگ ءَ پاکستانی پوج ءِ سر ءَ اُرش، مڈی ءِ پھازوک بیران ءُ بوزر گاڑی ماندارگ بیتگ اَنت-

گیشیں ھالانی رِد ءَ نوشکی ءِ دمگ احمد وال ءَ سلاہ بندیں مردماں پاکستانی پوج یک اُرشے ءِ نشانگ کتگ – اُرش ءِ آسر ءَ پوج ءِ کارندھاں جانی تاوان چست کنگ کپتگ-

ھمے وڑ نوشکیب، کیشنگی ءَ کوٹوری ءِ دمگ بُنجاھی شھدگ سر ءَ سلاہ بندیں مردماں ناکہ بندی کتگ ءُ اے میان ءَ مڈی بروکیں دو بوزر گاڑی مانداشتگ ءُ تباہ کتگ اَنت-

ھمے وڑ چمالنگ ءِ دمگ ڈیڈھ موڑ سر ءَ دگ کش ءَ ایریں تراکناکیں شوروانی ترکگ ءَ چہ موٹر سائیکل سواریں مردم گل بیگ بیران بیتگ، بیران بیتگیں مرد مڈی بروکیں گاڑیانی پھازوکی ءَ ھمگرنچ بیتگ –

تراک ءِ ھال سر بیگ ءَ پولیس ءِ مزنیں کچے ءَ سر بیتگ اَنت لاش دستیگ کتگ نادُراھجاہ برتگ-

تنی اے وئیلانی زمہ واری ھچ گل ءَ نہ زرتگ اَنت-