نوشکی : پاکستانی پوج ءِ کاروان ءِ سر ءَ سنگر گپتگ ءُ اُرش کتگ

بلوچستان ءِ دمگ نوشکی ءَ احمد وال ءِ دمگ ءَ سلاہ بندیں مردماں پاکستانی ءِ یک کاروانے ءِ سر ءَ سنگر گپتگ ءُ اُرش کتگ، چریشی ءِ آسر ءَ تاوان ھال دیم ءَ اَتکگ اَنت، بلے واکدار نیمگ ءَ چہ تاوان سرپدی شنگ نہ کتگ اَنت-

دمگی اِھوالکار ءِ رِد ءَ وئیل احمد وال ءَ برجاہ پھاٹک ءِ ھند سر ءَ بیتگ، اود ءَ پاکستانی پوج ءِ سے گاڑیاں ھمگرنچ یک کاروانے گوزگ ءَ بیتگ- اِھوالکار ءِ گوشتگ اِنت کہ سلاہ بندیں اُرشکاراں پیسر ءَ سنگر گپتگ ءُ کاروان ھمے ھند سر ءَ سر بیتگ آئی ءِ سر ءَ تیرگواری بندات کتگ-

چمّگدانی رِد ءَ دمگ ءَ تیرگواری توار اش کنگ بیتگ، چریشی ءَ پد پوج ءُ اُرشکارانی میان ءَ تیرگواری ءِ رد ءَ برجاہ بیتگ-

تنی وھدے سرکاری ادارہ ءُ یا پوج ءِ ھمگرنچیں ادارہ آئی ایس پی آر ءَ اُرش ءِ درگت ءَ ھچ وڑیں درشان شنگ نہ کتگ نانکہ گل ءَ زمہ واری منّ اِتگ-

بلوچستان ءِ دمگ جتاجتائیں دمگاں پاکستانی پوج ءِ سر ءَ اُرشاں بازیں وئیلانی رپورٹ بیتگ اَنت، اود ءَ سلاہ بندیں گلانی نیمگ ءَ سنگر گرگ ءُ اُرش ءُ دگ کش ءَ کل کتگیں شورو کارمرز ءِ وئیل ھوار اَنت-