گوستگیں روچ ءَ چہ بلوچستان ءِ دمگ ھزدار زھری ءَ پاکستانی پوج ءِ نیمگ ءَ زوراکی ءُ کرفیو برجاہ انت ۔ پاکستانی پوج مزنیں کچے ءَ گوں سلاہ ءُ بکتر بند گاڑیاں بازار ءَ مانریتکگ ءُ لس مھلوک ءِ سرا یکشل ءَ زوراکی کنگ انت ۔ دمگی مردمانی رد ءَ پاکستانی پوج ءَ برزی کمک ھم گون انت ءُ آیاں بازیں جاھے ءَ بالگردانی سرا ٹوپ ءُ شیلنگ کتگ ۔
سیاسی ءُ چاگردی تکاں پاکستانی پوج اے زوراکی ترندی ءَ گوں ایرجنگ بوگ انت ۔ اے درگت ءَ بلوچ یکجھتی کمیٹی ءوتی شنگ کرتگیں درشان ءِ تہ ءَ گوشتگ کہ دو جون 2026 ءَ زھری ءَ بندات بوتگیں پوجی زوراکی ءُ کرفیو بلوچ چکچینی ءِ یک دگہ کڑی ئے ۔
جارکش ءَ گوشتگ کہ پاکستانی پوج ءِ بالگرداں لس مھلوک ءِ سرا بمبگواری کتگ ءُ مزنیں سلاھ ءُ بکتر بند گاڑیانی ھمرائی ءَ بازار ءَ مانریتکگ انت چریشی ءَ دمگ ءِ تہ ءَ مزنیں ترسی جاور ھال ءِ ودی بوتگ ۔
آئی ءَ گوشتگ کہ زھری کرفیو ھنگت برجاہ انت ءُ مھلوک ھچ سر ءُ پر کت کنگ ءَ نہ انت کس یکے دومی ءِ گس ءَ شت نہ کنت ۔ کرفیو میان ءَ یک ورنایے عمیر سمالانی ءِ ھاجی نصیر ، آئی گھار کہ ھزدار ءَ رؤگ ءَ بوتگ انت آ کشگ بوتگ انت ۔
آئی ءَ گوشتگ کہ دہ دوازدہ گاڑیانی کاروانے ءَ ٹکی رھشون سردار نصیر اھمد موسیانی گس انگیر ءَ کتگ ء پُوج سردار نصیر اھمد ءُ آئی ءِ چک میر زھری خان ءُ میر خلیل اھمد موسیانی ءَ ھوار آئی ءِ وارس ایندگہ مھلوک گپتگ ءُ وانگجاہ ءَ برتگ انت کہ ھنو ھمے وانگ جاہ ادارکی پوجی بنجل جوڈ کنگ بوتگ ۔
آئی ءَ گوشتگ وھدیکہ دمگی مردم ءُ زالبول مردمانی یل کنائینگ ءَ اودا شتگ انت گڈا آ ھم دزگیر کنگ ءُ بندیگ کنگ بوتگ انت ۔ آئی ءَ گوشتگ کہ یک پوجی اپسرے ءَ ٹکی رھشون نسیر اھمد دکائے داتگ آ زمین ءِ سرا کپتگ آئی ءِ چک لٹ سک باز لٹ شاپ کنگ بوتگ آ وانگجاھ ءَ برتگے ءُ پدا ناشناسیں جاھے ءَ برتگ ئے ، کمے وھد ءَ پد آئی ءِ بیرانی ءِ ھال شنگ بوتگ بلے پدا آئی ءِ جون ءِ نہ داتگ ۔
بی وائی سی ءِ رد ءَ سردار نصیر احمد موسیانی، قدیر (سردار نصیر احمد موسیانی کا نماسگ عباس (سکیورٹی گارڈ) میر زہری خان موسیانی (سردار نصیر احمد موسیانی ءِ چک) میر خلیل احمد موسیانی (سردار نصیر احمد موسیانی ءِ چک ،شکر خان، ثناء اللہ موسیانی، حمید علی خان دوست محمد ارشاد احمد دزگیر کتگ انت ۔
پدا رند ءَ سردار نصیر احمد موسیانی
قدیر (سردار نصیر احمد موسیانی ءِ نماسگ عباس (سکیورٹی گارڈ) یل کنگ بوتگ انت.
آئی ءَ گوشتگ زھری ءَ برجاھیں کرفیو ، مردمانی درکانودی کوش ، آوارجنی ءُ لٹ کٹ انسانی ھکانی مزنیں لگتمالی ئے ما چہ میاں استمانی انسانی ھکانی گلاں لوٹ کن ایں اشی سرا گامگیج زورگ بہ بیت ۔
ھمے درگت ءَ اے ھبر بی این پی ءِ سروک اکتر مینگل ءَ راست کتگ ءُ گوشتگ بلبل زھری ءَ سردار نصیر اھمد موسیانی گس ءَ بیڑ برتگ ءُ چہ اودا موسیانی ءِ زھگ خلیل اھمد موسیانی نگیگیں جاوراں گوں وت برتگ ءُ پدا کھول ھال داتگ کہ آئی ءِ جون ءَ دست بگر ات ۔
آئی ءَ گوشتگ کہ خلیل اھمد موسیانی بی این پی ءِ ھزدار ءِ سنئیر نائب صدر بوتگ ءُ آئی ءِ پت دمگی چیئرمین ءُ بی این پی ءِ سنٹرل ایزیکٹو کمپٹی ءِ باسک ءُ دمگے نامئیں مردمے بوتگ ۔
سردار ءَ گوشتگ کہ بلوچستان ءِ جیڑھانی گیش گیواری چہ تاکت ءَ نہ بیت بلکیں سیاسی باوست ، رھبندیءَ چہ بیت ۔
دومی نیمگ ءَ ٹی بی پی ءِ اھوالکار فرید بلوچ ءِ رد ءَ ھم زھری سوھند ءَ یازدہ مردمانی دست ءُ پاد بندگ ءُ کشگ بیتگ انت-
آئی ءِ رد ءَ شانزدہ اپریل دوھزار ءُ بیست ءُ شش ءَ زھری ءُ آئی ءِ کش ءُ گوراں سیادی داروکیں مردم ھمک روچی ءِ ڈول ءَ سوھندہ ءِ نیمگ ءَ سپر ءَ بیتگ انت-
آئی ءِ رد ءَ روچ ءِ گڈی ساھتاں یازدہ مردم بیران بیتگ انت ءُ یک مردمے سکا زدگ بیتگ-
سرجمی ءَ وانگ ءَ اردو سائٹ ءَ سیل بہ کن ات-