بلوچستان : بُنجاھی شھدگ سر ءَ سے پُھل تباہ

بلوچستان ءِ شھدگانی سر ءَ بلوچ آجوئی لوٹوکانی دستیگ برجاہ، جتاجتائیں دمگاں سے بُنجاھی پُھل گوں تراکناکیں شورو پٹ کتگ تباہ کتگ اَنت-

مروچی ھاران ءِ دمگ ساراوان ءَ سلاہ بندیں مردماں ھاران – کراچی بُنجاھی شھدگ دستیگ کنگ ءَ اسنیپ پٹ ءُ پول برجاہ داشتگ- ھمے وڑ نوروز کلات ءِ ھند سر ءَ ھاران – شال بُنجاھی شھدگ ھم سلاہ بنداں وتی دستیگ کتگ-

ھالانی رِد ءَ اے میان ءَ شھدگ سر ءَ بُنجاھی پُھل تراکناکیں شوروپ پٹ کتگ ءُ تراکینتگ-

ھمے وڑ کچھی ءِ دمگ سنی ءَ رودی پُھل ھم تراکناکیں شورواں چہ تباہ کتگ-

گوستگیں شپ ءَ دالبندین شھر ءَ سورگل بُنجاھی پُھل ھم شورو پٹ کتگ ءُ تراکینتگ – شھریانہ رِد ءَ تُرندیں تراک ءِ توار داں دیر اش کنگ بیتگ- پُھل ءِ تباہ بیگ سبب ءَ گاڑیانی روگ آیگ مھتل بیتگ-

واکدار ءَ اے وئیلانی درگت ءَ ھچ وڑیں ھال شنگ نہ کتگ گوستگیں روچاں بلوچ لبریشن آرمی ءَ یک درشانے ءِ تہ ءَ گْوشتگ کہ شال – تفتان دگ ءَ ھوار دگہ بُنجاھی شھدگ آیانی دستیگ اَنت-