کراچی بلوچ یکجھتی کمیٹی ( بی وائی سی) ءِ باسک فوزیہ بلوچ ءُ آئی ءِ کھول ءِ یل کنگ ءَ پد ایف آئی آر در کنگ بیتگ- واکدار ءِ رِد ءَ اے شور دمگی مجسٹریٹ ءِ نیمگ ءَ چہ زیرگ بیتگ-
فوزیہ بلوچ زی اے وھد ءَ آوار جتگ وھدے آ کراچی پریس کلب ءِ ڈن اِھوالکاراں چہ گپ ءُ دیوان ءِ واستا برگ ءَ بیتگ اَنت- آئی ءِ گوما آئی ءِ مات ءُ دگہ کھول ھم ساڑی بیتگ اَنت- پولیس نیمگ ءَ چہ آیانی سر ءَ پاکستان پینل کوڈ ءِ ایف آئی آر 124-اے (بغاوت) ءِ رِد ءَ نکش کنگ بیتگ، بلے اے ایف آئی آر ھلاس کنگ بیتگ-
اے وئیل ھما وھد ءَ بیتگ وھدے فوزیہ بلوچ وتی برات داد شاہ ءِ زورانسری آوار جنی ءِ ھلاپ ءَ چست کنگ ءَ بیتگ-کھول رِد ءَ داد شاہ 21 اپریل پاکستانی پوج ءَ چست کتگ، چریشی ءَ پد آ بیگواہ ءَ اِنت- کھول ءِ گوشگ اِنت کہ آیاں دمگی تھانہ ءَ ایف آئی آر نکش کنگ ءَ جُھد کتگ، بلے پولیس ارزبندی زیرگ ءَ چہ انکار کتگ-
اشی ءَ پد کھول داد شاہ ءِ زورانسری آوار جنی ھلاپ ءَ توار چست کنگ ءِ ھاتر ءَ کراچی پریس کلب ءَ شتگ اَنت، اود ءَ چہ آ آوار جتگ اَنت-