بی ایل اے ءِ رسانکدر آپریشن ھیروف ٹو ءَ ھوار زالبولیں فدائی ءَ ھوار دو دگہ باسکانی اکس شنگ کتگ اَنت

بلوچ لبریشن آرمی ءِ رسانکدر ءِ ونگ ھکل ءَ آپریشن ‘ھیروپ دومی بھرگ’ ءَ ھوار دو دگہ باسکانی اکس ءُ اِھوال شنگ کتگ اَنت-

رسانکدر ونگ ءِ رِد ءَ فدائی مریم بزدار، پنّام سمی ء دین محمد بزدار، جھمنند آلہ آباد کالونی، ڈیرہ غازی خان ءَ سے مارچ 2023 ءَ مجید بریگیڈ ءَ ھمگرنچ بیتگ-

گل ءِ رِد ءَ فدائی مریم بزدار ءَ بلوچ لبریشن آرمی ءَ ھمگرنچی پہ جزباتی پیسلہ ءِ رِد ءَ اناں بلکیں تچکیں شئور ، زمہ واری اِھساس ءُ۔پکری ھمگرنچی ءِ ھمراھی ءَ پیسلہ زرتگ- 2023 ءَ مجید بریگیڈ ءِ بھر بیگ آئی ءِ واستا یک باکائدہ، سنجیدگیں پسلہ ءِ بھر بیتگ، کہ آئی ءَ زاتی زند ءُ زاتی پھاز پُشت ءَ دیر کتگ ءُ کردے جُھد گچین کتگ-

ھکل رسانکدر ءَ دیمتر ءَ گْوشتگ کہ آئی ءِ لوگ واجہ رشید بزدار پنّام ءِ میرل ھم فدائی یے بیتگ- مریم ءُ رشید دوئینانی واھگ بیتگ کہ آ ھمراھی ءَ فدائی مشن ءَ بکن اَنت، بلے جاور ءُ پیسلہ ءِ سوب ءَ اے وڑ نہ بیتگ- رشید بزدار ءَ اشی ءَ ساری یک فدائی مشنے ءِ بھر زرتگ ءُ نمیرانی وتی نام ءَ کتگ- دُژمن ءَ آئی ءِ شھیدی پد رستری پیش داران ءَ آئی ءِ سر بُر اِتگ وتی ھمراھی ءَ برتگ کہ زورگریں ریاست ءِ اکلاکی نزوری ءُ زوراکی ءِ پدری اِنت-

رشید بزدار ءِ شھیدی ءُ اشی ءَ پد بیتگیں وئیلاں اَبید فدائی مریم بزدار جزبگ ءِ تہ ءَ ھچ وڑیں نزوری نیتکگ- آئی ءِ راہ اے راستی ءِ نشانی ءَ کنت کہ گھگیری تھنا پسّہ نہ اِنت بلکیں سرپد ، زمہ واری ءُ شئوری کردے – زاتی گم، ھمسپر ءِ گستائی ءُ سکیں تاواناں اَبید آئی ءِ پیسلہ برجاہ بیتگ، کہ اے گپ ءِ منانک اِنت کہ آئی ءِ ھمگرنچی ادروکی اناں بلکیں پکری کردے ناکابل ءِ لرزگ اِنت-

ھکل رسانکدر ءِ رِد ءَ فدائی مریم بزدار ءَ آپریشن ھیروپ 2.0 ءِ سیمی روچ ءَ نوشکی ءِ جنگ پڑ ءَ یک گرانبھائیں دیمونی داتگ- آئی ءَ دو فروری 2026 ءَ نوشکی ءَ پاکستانی پوج ءِ بُنجاھی ھیڈکوارٹرز ءِ تہ ءَ نزیکیں میڑاں جنگ ءِ میان ءَ بھر زرتگ ءَ نمیرانی وتی نام ءَ کتگ-

وھدے کہ فدائی زید یاسین زامرانی پنّام ءِ ابرام ء محمد یاسین زامرانی، نوانو، زامران ءِ جھمنند اِنت زید ءَ انٹرمیڈیٹ دربرتگ ءُ یک مزنیں کھولے ءَ مزن بیتگ ءُ رُستگ، اود آ براتانی تہ ءَ دومی نمبر ءَ بیتگ- 2018 آ گلے نیٹورک ءَ چہ ھمگرنچ بیتگ، اے آئی ءِ واستا یک انچیں گامگیجے بیتگ کہ آئی ءِ سیاسی شئور ءُ زمہ داری ءِ اھساس یک رُژنے داتگ- ستمبر 2024 ءَ آ گوں بلوچ لبریشن آرمی ءَ ھوار بیتگ ءُ مجید بریگیڈ ءِ بھر جوڑ بیتگ-

دیمتر ءَ گوشتگ کہ آئی ءَ جزم ءَ بے تواری تلسھی ءِ ھمراھی ءَ جنگ کتگ ءُ پسنی ءِ جنگ پڑ ءَ دلیری ءَ چہ نمیران بیتگ- آئی ءِ سفر یک شئوری گچینی ءَ پیشدار اِیت، آئی ءَ شان، ایمانداری ءُ وتی گچین کتگیں راہ شریں وڑے ءَ پیلو کتگ – ھما مردم کہ آئی ءَ زان اَنت، آئی ءِ ُپُرسکون ساڑی، مھکمیں زھن ءُ بید کجام دیم ءَ آیگ ءِ زمہ داری چست کنگ جزبگ ءَ یات کنت-