بلوچستان : پنچمی روچ ءَ ھم ھال اھوالی نزانم بند، ریل ءِ 30 لک ءَ چہ گیش تاوان

بلوچ لبریشن آرمی ءِ نیمگ ءَ 31 جنوری ءَ بندات بیتگیں آپریشن ھیروپ 2 چہ بلوچستان ءَ مروچی پنچمی روچ ھم ھال اھوالی نزام سرجمی ءَ بند اِنت-

مھکمہ ریلوے ءَ مروچی ھم چہ شال ءَ تھی ڈیھ ءُ چمن ءِ واستا ریل راہ نہ دیگ ءِ جار جتگ-

کراچی ءَ چہ شال ءَ آؤکیں ءُ رؤکیں بولان میل 12 فروری ءَ تاں بند کنگ بیت-

ریل ءِ واکدار ءِ رِد ءَ چہ بلوچستان ءَ تھی ڈیھ ءُ چمن ءِ واستا ریل سروس ءِ بندی چہ مھکمہ ریل تنی وھدے 30 لک ءَ گیش تاوان بیتگ-

دومی نیمگ ءَ پنجاب ءَ بلوچستان ءَ چہ ھمگرنچ کنوکیں ڈی آئی خان لورالائی راجی شھدگ ءُ شال ءَ چہ تفتان ءَ رؤکیں راجی شھدگ ھم پنچ روچ ءَ چہ بند اِنت-

زانگ بہ بیت کہ بلوچ لبریشن آرمی ءَ شمبے ءِ شپ ءَ سرجمیں بلوچستان ءَ یک یکجاھی اُرشے بندات کتگ- آپریشن ھیروپ شال، نوشکی ءَ ھوار دوازدہ شھراں یکیں وھد ءَ اُرش کتگ، وھدے کہ نوشکی ءَ یکشل ءَ بی ایل اے ءُ پاکستانی لشکر ءِ میان ءَ میڑ برجاہ ءَ اِنت-