بی ایل اے ءَ آپریشن ھیروف ءَ ھواریں زالبولیں کمانڈو ءِ تامُر شنگ کتگ

بلوچ لبریشن آرمی ءِ آفیشل چینل ھکل ءَ نوشکی ءَ آپریشن ھیروف ءَ ھوار فتح اسکواڈ ءِ کمانڈو ءِ تامُر شنگ کتگ-

تامُر ءِ تہ ءَ گندگ بیت کہ زالبول فرنٹ لائن ءَ سلاہ گون دگہ جنگولانی ھمراھی ءَ پاکستانی پوج ءُ شوربندیانی سر ءَ اُرش کنگ ءَ اَنت-

تامُر ءِ تہ ءَ آ براھوئی زبان ءَ بلوچ راج ءَ گوں دلگوش گور کنان ءَ گوش اِیت کہ اے جنگ ءَ بھر بزور اِت، بلوچ ءِ واستا جنگ ءَ اَبید دگہ راہ نیست-

گل ءِ رد ءَ بی ایل اے فتح اسکواڈ ءِ یک ھیلکاریں زالبولیں کمانڈو درجان بلوچ ءَ نوشکی ءَ آپریشن ہیروف ءِ جنگ ءَ فوجی راجدپتر ءِ یک رژنائیں بابے جوڑ کتگ۔ گوں دشمن ءَ داں سے روچ ءَ دیم پہ دیمی جنگ داشتگ آئی ءَ گوں مھکمیں جزبگاں پیشداشتگ -تُرندیں میڑانی میان ءَ دژمن ءَ را چہ مھکمیں سنگراں چہ درکُتگ ءُ بازیں جاھاں کنٹرول برجاہ داشتگ ءُ جنگ پڑ ءِ پیسلہ کنوکیں سوبمندی رستگ-

بی ایل اے میڈیا ءِ رد ءَ درجان بلوچ ءَ اے جنگ ءَ نہ ایوک ءَ کردی رھشونی ءُ پابندی ءِ مثال پیش داشتگ بلکیں اے گپ ھم پدر کتگ کہ نوکیں جنگ ءِ تہ ءَ ھمت ءُ جزبگ، ھیلکاری ءُ جزم ءِ پیسلہ کنوکیں چیز اَنت۔ آ چہ اے راجدپتری جنگ ءَ گازی یے ءِ بستار ءَ پدا واتر بوتگ ءُ پہ سلامتی دمگاں
واتر بوتگ ءُ دلیری، پوجی شان ءِ ابدی چیدگے جوڑ بیتگ