اورناچ ءُ بلیدہ کاروائیاں سے زورگریں پوج ءُ یک چاریگے ءِ کوش زمہ واری بی ایل اے ءَ منّ اِتگ اَنت

بلوچ لبریشن آرمی ءِ جارکش جیئند بلوچ ءَ شنگ کتگیں درشان ءِ تہ ءَ گْوشتگ کہ مئے سرمچاراں اورناچ ءَ زورگریں پاکستانی پوج ءَ یک اُرشے ءَ نشانگ کتگ وھدے کہ بلیدہ ءَ دزگیریں چاریگ مرگ ءِ سزا ءِ سر ءَ کار کتگ-

جارکش ءَ گوشتگ کہ ھُزدار ءِ دمگ اورناچ ءَ پانزدہ جنوری ءَ بلوچ لبریشن آرمی ءِ سرمچاراں شھدگ سر ءَ زورگریں پاکستانی پوج ءِ گاڑیانی سر ءَ سنگر گپتگ ءُ اُرش ءِ نشانگ کتگ اَنت، زورگریں پوج ءِ یک گاڑی یے تچکی ءَ اُرش ءِ نشانگ ءَ اَتکگ چریشی ءِ آسر ءَ سے کارندہ جاہ پہ جاھی مرتگ اَنت-

جارکش ءَ گوشتگ بلوچ لبریشن آرمی ءِ سرمچاراں بیست پنچ دسمبر بلیدہ ءِ دمگ چہ گلی ءَ نوید احمد ء محمد ھاشم جھمنند بلیدہ گلی دزگیر کتگ – نوید ھاشم ءَ جُست پُرس ءِ میان ءَ منّ اِتگ کہ زورگریں پوج ءِ صوبیدار ءِ سروکی ءَ چہ چاریگی ءِ کار کتگ-

جارکش ءَ گوشتگ کہ نوید ھاشم ءَ منّ اِتگ کہ دکاندار ءِ دروشم ءَ آ سرمچارانی سُر ءُ پُرانی نگاہ داشتگ وھدے کہ بٹ، الندور ءُ زندان ءَ زورگریں پوج ءِ بنجلانی واستا راشن ءُ دگہ سامان سر کنگ ءَ ھوار پوج ءِ گوشگ ءِ پد ءَ بدکرداریں جنین بُنجل ءَ برتگ اَنت-

جارکش ءَ گوشتگ چاریگ نوید ھاشم ءَ منّ اِتگ کہ آ بلوچ ورنایانی چارگ ءُ آیاں زورگریں پوج ءُ وتگڑیں ڈیتھ اسکواڈ ءِ دست ءَ زورانسری آوار جنی ءَ ھم ھمگرنچ بیتگ- اشی ءِ بدل ءَ زورگریں پوج ءِ نیمگ ءَ آئی ءَ کلدار دیگ بیتگ ءُ ٹوکن دیگ ءِ کول کتگ-

جارکش ءَ گوشتگ نوید ھاشم راجی میارباری ءِ بیگ سر ءَ بلوچ راجی آمیدگس ءَ مرگ ءِ پرمان داتگ چریشی ءَ سرمچاراں کار کتگ آ تربت ءِ دمگ پیری کھن ءَ کشتگ- نوید ھاشم ءَ بازیں چاریگانی نام پاشک کتگ کہ زوت وتی گُڈی آسر ءَ سر بنت-

جارکش ءَ گوشتگ بلوچ لبریشن آرمی اے دوئیں کاروائیانی زمہ واریاں منّ اِیت-