بلوچستان لبریشن فرنٹ ءِ جارکش میجر گوھرام بلوچ ءَ وتی شنگ کتگیں درشان ءَ گوشتگ مئے سرمچاراں بلوچ نسل کشی ءِ ھواریں ملٹری انٹیلی جنس ءِ دلاری ءُ مرسنری مسلم ء نعمت اللہ جھمنند مند ھوزی 5 اکتوبر ءَ چہ گوبرد ءَ دزگیر کتگ پٹ ءُ پول ءِ وھد ءَ وتی سجیں جرمے منّ اِتگ اَنت ءُ گوشتگ ئِے کہ آ مند ءَ بلوچ ورنا ثنا ء شوکت، ازھار ء مجیب ءُ ملا بھرام ءِ شھیدی ءُ گومازی ءَ جلال ء حاجی یار محمد ءُ حمل ء واحد بخش ءِ کوش ءَ دلاری ءُ کمکاری ئِے کتگ۔
جارکش ءَ گوشتگ آئی ءَ وتی راج ءِ جرمانی ورداس گوشان ءَ گوشتگ کہ گوستگیں سال ءَ آ گوں وتی ھمراھاں مند، بلو ءَ ثنا ء شوکت ءِ کوش ءَ ھور بیتگ ۔ اے ویل ءَ آئی ءِ ھمراہ ھدوک ء سلام جھمنند تلمب تیر جتگ ءُ ثنا کشتگ۔ اے کار آئی ءَ ڈیتھ اسکواڈ ءِ مزنیں کارکنوک صغیر پنام ءِ بلال ءِ گوشگ ءَ کتگ- گوستگیں راجدروھیں گوریلا صغیر پنام ءِ بلال ءَ لھتے سال ءَ پیش سرکار ءِ دیم ءَ سِلاہ چگل داتگ ءُ لگور بیتگ۔
جارکش ءَ گوشتگ راجی مجرم ءَ گوشتگ کہ آئی ءَ ھمے سال ءَ تربت ءِ ھند جوسک ءَ 13 جولائی ءَ حمل ء واحد بخش جھمنند گومازی ءِ کوش ءَ دلاری ئِے کتگ ءُ وتی آ دگہ ھمراھانی دست ءَ آ کوشارینتگ انت۔
اے کار ءِ زمہ داری پاکستانی پوج ءِ کرنل حفیظ ءَ آھاں داتگ ءُ دلاری ءِ بدل ءَ آئی ءَ 25 ھزار کلدار دیگ بیتگ انت ۔ ھمے وڑ ءَ گومازی ءَ 6 ستمبر ءَ جلال ء حاجی یار محمد ءِ کوش ءِ بارہ ءَ ھم آئی ءَ موبائل ءِ کمک ءَ ھال ءُ اھوال کتگ، ھمے سوب ءَ سعید ء تحصیلدار عابد ءُ آئی ءِ ھمراھاں تیر جتگ ءُ جلال کشتگ، آئی ءِ بدل ءَ اِیشی ءَ ءُ ایشی ءِ یک ھمراھی ءَ 20 ھزار کلدار دیگ بیتگ ۔
جارکش ءَ گوشتگ راجی مجرم ءَ من اتگ کہ آ تربت ءَ یک نوجوانے ءِ زورانسری بیگواھی ءَ ھم دلاری کتگ ، آئی ءِ بدل ءَ آئی ءَ 25 ھزار کلدار دیگ بیتگ ۔ چریشی ءَ رند آ گوشتگ اش کہ مند ءَ برو ۔ آئی ءَ ازھار ء مجیب بلوچ ءُ ملا بھرام نامیں ورنایے ءِ کوش ءَ تچک ءَ تچک ھور بیگ منّ اِتگ۔
آئی ءَ گوشتگ سے ھمراھانی ھمراھی ءَ اظہار ء مجیب آئی ءِ دکان ءِ تہ ءَ کشگ ءَ ھور بیتگ ، اود ءَ آ پرپٹ ءِ چلائینوک بیتگ ءُ آئی ءِ یک ھمراھی ءَ تیر جتگ ءُ اظہار کشتگ ۔ چریشی ءَ رند آ پوجی بنجل ءَ شتگ اَنت ءُ آھاں پاکستانی پوج ءِ نیمگ ءَ 10 ھزار کلدار دیگ بیتگ ھمے روچ ءَ ھمے ھمراھانی ھمراھی ءَ ملا بھرام ءِ کوش ءَ ھم بھر زرتگ ایشی ءِ بدل ءَ آئی ءَ 15 ھزار کلدار دیگ بیتگ ۔ کوش ءِ اے دوئیں کار لگور بیتگیں صغیر پنام ءِ بلال ءَ آھاں داتگ۔
جارکش ءَ گوشتگ راجی مجرم ءَ گیشتر منّ اِتگ کہ آ بلوچ سرمچارانی موبائل نمبر شوھاز کتگ ءُ داتگ اَنت پوج ءَ ، ھمے سوب ءَ چہ پوج نمبراں ٹریس کنت ،اے دلاری ءِ بدل ءَ 50 ھزار کلدار دیگ بیتگ۔
جارکش ءَ گوشتگ سجویں منّگ ءُ سبوت شاھدانی گوشگ ءِ رد ءَ بلوچستان لبریشن فرنٹ ءِ سرمچاراں 9 اکتوبر ءَ تیر جتگ ءُ گوشتگیں راجی مجرم مسلم ء نعمت اللہ کشتگ ۔
جارکش ءَ گوشتگ بلوچستان لبریشن فرنٹ ءِ سرمچار 9 اکتوبر ءِ شپ ءَ دشت ءِ ھند ءَ کھڈان ءَ گل ءِ کارے ءِ بارہ ءَ گوزگ ءَ بیتگ اَنت کہ راہ ءَ ڈیتھ اسکواڈ ءِ کارکنوک آیانی رند ءَ کپتگ اَنت ءُ تیر گواری شرو اش کتگ۔ بلوچ سرمچاراں ءُ ڈیتھ اسکواڈ ءِ کارکنوکانی درمیانی اے جنگ ءَ ڈیتھ اسکواڈ ءِ کارکنوک محبوب ء بابو جھمنند مکسر جاہ پہ جاہ مرتگ ءُ آئی ءِ یک ھمراھے ٹپی بیتگ ۔ سرمچار جنگ ءَ رند سلامت ءَ در اتکگ ءُ سوبین بیتگ اَنت ۔
جارکش ءَ گوشتگ اے پاٹی ٹیل ءِ کار ءُ بار ءَ ھواریں گاڑیاں چہ نادل ءِ سرپرستی ءَ زر گپتگ ، ورنایانی نشانگ کنگ ءُ ھون ریچیں آپریشنز ءَ پوج ءِ ھمراھی ءَ تچک ءَ تچک ھور بیتگ اَنت ، چُشکہ نشہ ءِ کار ءُ بار ءَ ھور دگہ راجی ھراب کاریاں ھم سر ءُ پُٹ بیتگ اَنت ۔
جارکش میجر گوھرام بلوچ ءَ گوشتگ بلوچستان لبریشن فرنٹ دوئیں راجی گداراں ، مسلم ءُ محبوب، ءِکوش ءِ زمہ داری ءَ منّ اِیت کہ آئی ءَ چہ درستیں ھوریں کارکنوکانی ورداس گل ءِ کر ءَ ھست اَنت آھاں زیت وتی سزا رس اِیت ۔