بلوچستان ءِ دمگ کیچ ءَ دو پیش آوار جنگ بیتگیں ورنا ءِ لاش دزکپتگ-
تربت پیدارک ءِ ھند بانک چڑھائی ءَ دزکپتگیں لاش ءِ پجار عثمان مقبول ءِ نام ءَ زانگ بیتگ-
عثمان مقبول دو روچ پیش پاکستانی لشکر ءَ چہ تربت ءَ آوار جتگ ءُ بیگواہ کتگ بیتگ-
عثمان مقبول دوھزار ءُ نوزدہ یک برے پیش ءَ آوار جنگ بیتگ ءُ پد ءَ یل کنگ بیتگ بلے دومی رند ءِ آوار جنگ ءَ آ زندگی ءَ یل کنگ نہ بیتگ-
بلوچستان ءَ سیکورٹی پورسز ءِ دست ءَ گیشتر ورنایانی لٹ ءُ کٹ کتگیں لاشانی دزکپگ ءِ درچ دو دھکاں گیش برجاہ انت-
بلوچ سیاسی پاٹیانی گوشگ انت کہ اود ءَ ورنا ابید آمیدگسی پرمان ءَ گرگ ءُ پد ءَ زندانانی توک ءَ کشگ ءُ آیانی لاش چگل دیگ بوگ ءَ انت-