پاکستانی لشکر ءِ گون ءَ میڑ ءَ نمیران بوتگیں بلوچ جنگول سھیب بلوچ ءِ پت ءُ برات ھوار شش مردم زورانسری بیگواہ کنگ بیتگ انت-
پورسز ءَ گوستگیں شپ ءَ شال ءَ آئی ءِ لوگ ءِ سر ءَ اُرش کتگ ءُ سھیب ءِ پت محمد دین لانگو ، دو برات عبدالغفار لانگو ، عبدالکبیر لانگو ءُ پرس ءَ اتکگیں سَے نقیب اللہ لانگو ، عبدالوھاب لانگو ، ءُ شعیب لانگو دزگیر جتگ ءُ ناشناسیں جاھاں برتگ انت-
دمگی مردمانی گشگ ءِ رد ءَ ھمے وھد ءَ پورسز ءَ لوگ ءَ ھواریں جنین ءُ چُک جتگ ءُ بیم تراپ داتگ انت-