بلوچستان ءِ تیابدپی شھر گوادر جیونی ءَ ڈیتھ اسکواڈ ءِ تیرگواری ءَ دو مردم بیران بیتگ انت۔
دمگی مردمانی رد ءَ وئیل جیونی پانوان چل ھور ءَ پیش اتکگ کہ اود ءَ تیل کشیں کشتیانی سر ءَ ڈیتھ اسکواڈ ءِ کارندھاں اُرش کتگ ءُ اود ءَ ناھدا ءُ یک جانشوے بیران بیتگ انت۔
بیران بیتگیں مردمانی پجار عرفان ء ضمیر ءِ ناماں بیتگ انت کہ ھردوکانئ سیادی ھزدار ءِ دمگ نال گوشگ بیتگ ۔
زانگ بہ بیت ایشی ءَ ھم تیل ءِ واپار ءَ بندوکیں مردمانی سر ءَ اُرش بیتگ انت کہ اود ءَ تیل ءِ واپار ءَ بندوکیں مردم کشگ بیتگ انت۔
روکپتی بلوچستان ءُ رودراتکی بلوچستان ءِ میان ءَ کش اتگیں لکیر ءِ سیمسر ءِ مردمانی لاپ ءِ والینگ ایوک ءَ تیل ءِ واپار انت کہ ایشی ءِ آسر ءَ مردم وتی زند ءَ گوازینگ ءَ انت۔
ایشی ءَ ابید اود ءَ تیل ءِ واپاری مھلوک لکانی ھساب ءَ ٹیکس دیگ ءَ انت بلے انگت ءَ سرکار ءِ نیمگ ءَ آیاں جنجالانی دیمپانی انت برے کوش ءُ برے آیانی تیل ءِ بنجل سوچگ بنت۔