بلوچستان: نودربرے بیگواہ، سَے مردم یل کنگ بیتگ انت

بلوچستان ءِ جتا جتائیں جاھاں یک مردمے بیگواہ ءُ سَے بندیگیں مردم یل کنگ بیتگ انت-

دمگی مردمانی رد ءَ کیچ ءِ دمگ سری کلگ گورکوپ ءَ شانزہ سالی ئیں نودربر شاہ بخش ء بابو دو جولائی دوھزار ءُ بیست ءُ شش ءَ بیگاہ ءِ ساھت سَے ءَ چہ لوگ ءَ ایف سی ءِ کارندھاں دزگیر کتگ ءُ برتگ-

دومی نیمگ ءَ سَے بیگواھیں مردم بیتگ انت چریشانی توک ءَ ھپت جولائی ءَ دوھزار ءُ بیست ءُ شش ءَ آوار کنگ بیتگیں نجیب اللہ ء سرور جھمنند شال بیست ءُ پنچ اگست ءَ چہ شال ءَ یل بیتگ –

ھمے وڑ دو فروری دو ھزار ءُ بیست ءُ شش ءَ چہ ھب چوکی ءَ آوار جنگ بیتگیں خدا بخش ء دلوش جھمنند گڈانی بیست ءُ ھشت اگست ءَ چہ کراچی سینٹرل جیل ءَ یل کنگ بیتگ-

پنجگور ءِ دمگ سراوان ءَ 21 اگست2026 ءَ آوار جنگ بیتگیں حسنین ء امداد بلوچ بیست ءُ پنچ اگست ءَ چہ پنجگور ءَ یل بیتگ-