تربت شھر ءَ ھواریں دمگ سنگانی سر ءَ لوگے ءِ سر ءَ بیڑ ءِ وھد ءَ سی ٹی ڈی ءِ تیرگواری ءَ محمد اکبر نامیں مردمے بیران بیتگ-
دمگی مردمانی رد ءَ اے وئیل دو شپ ءَ پیش بیتگ کہ اود ءَ سی ٹی ڈی ءُ ایم آئی ءِ کارندھاں کساس شب ءِ ساھت دو بج ءَ سنگانی سر ءَ محمد اکبر نامیں مردمے ءِ لوگ ءَ شتگ انت اود ءَ آئی ءِ زھگ ءِ آوار جنگ ءِ جھد اش کتگ بلے اود ءَ آئی ءِ زھگ نہ بیتگ-
دمگی مردمانی رد ءَ ھمے وھد ءَ کارندھاں محمد اکبر سکا جتگ ءُ پد ءَ زھگ ءُ زالبولانی دیم ءَ تیرگواری کتگ ءُ کشتگ-
دمگی مردمانی رد ءَ محمد اکبر گوستگیں چیف جسٹس بلوچستان ھائی کورٹ ءُ الیکشن کمیشن پاکستان ءِ باسک شکیل ایڈووکیٹ ءِ سیاد بیتگ-