چاگی : شھر ءَ بلوچ جنگول پترتگ ءُ پولیس ءِ تھانہ ءُ دگہ سرکاری جاہ دستیگ کتگ انت، دومی نیمگ ءَ بی ایل ایف ءَ زمہ واری من اتگ

بلوچستان ءِ دمگ چاگی ءَ مروچی بلوچ آجوئی لوٹوکیں جنگولاں پولیس تھانہ، سرکاری جاھانی سر ءَ اُرش کتگ ءُ شھر ءَ ھوار دگہ جاگہ دستیگ کتگ ءُ کنٹرول وتی دست ءَ کتگ انت-

سر بیتگیں ھالانی رد ءَ شھر ءِ جتا جتائیں جاھاں بلوچ آجوئی لوٹوکیں سلاہ بندیں گلاں شھر وتی انگیر کتگ ءُ اود ءَ راہ ءُ در بستگ انت-

دومی نیمگ ءَ بلوچستان لبریشن فرنٹ ءِ جارکش میجر گوھرام بلوچ ءَ اے اُرش ءِ زمہ واری من اتگ ءُ گوشتگ چاگی ءِ شھر ءَ سرکاری بنجلانی سر ءَ اُرش کتگ ءُ جاگہ دستیگ کتگ انت-

جارکش ءِ رد ءَ شھر ءَ پولیس تھانہ ءُ دگہ سرکاری جاھانی سر ءَ اُرش کتگ ءُ اود ءَ انگت ءَ شھر ءَ سرمچار جاڑیگ انت ءُ زوت سرجمیں درشان رسانکدر ءَ شنگ کنگ بیت انت-