تجابان ءُ وکائی ءَ آئی ای ڈی ءِ اُرشانی تہ ءَ پاکستانی لشکر ءِ بمب ڈسپوزل اسکواڈ نشانگ جوڑ کنگ بوتگ، سئے کارندہ ٹپیگ بوتگ اَنت
کیچ ءِ دو جتا جتائیں دمگ تجابان ءُ زامران ءِ ھند وکائی ءَ پاکستانی لشکر ءِ بمب ڈسپوزل اسکواڈ ءَ آئی ای ڈی اُرشانی تہ ءَ نشانگ جوڑ کنگ بوتگ ءُ ایشی ءِ آسر ءَ سئے کارندہ ٹپیگ بوتگ اَنت۔
سرکاری بنشون ءِ رد ءَ ایف سی ءِ بمب ڈسپوزل اسکواڈ ءِ کارندہ چیکنگ ءُ کلیئرنس آپریشن ءَ گوں بندوک بوتگ اَنت وھدے کہ آ تجابان ءُ وکائی ءَ ایر کنگ بوتگیں شوروانی نشانگ جوڑ کنگ بوتگ اَنت۔
سرکاری بنشون ءِ رد ءَ وکائی ءَ بوتگیں تراک ءَ سئے کارندہ ٹپیگ بوتگ اَنت کہ آ پہ درمان کنگ ءَ دیم دیگ بوتگ اَنت۔
دومی نیمگ ءَ تجابان ءَ آئی ای ڈی ءِ تراک ءَ ھچ وڑیں جانی ءُ مال ءِ تاوان ءِ ھال نہ بوتگ۔
اے وئیل ءِ پد ءَ سیکورٹی فورسز ءَ دوئیں دمگاں سرچ ءُ کلیئرنس آپریشن بندات کتگ وھدے کہ گیشیں پٹ ءُ پول برجاہ اِنت۔