شال ءَ فوجی ٹرین ءِ سر ءَ فدائی اُرش مئے فدائی بلال شاھوانی پنام ءِ سائیں ءَ کتگ- بی ایل اے

بلوچ لبریشن آرمی ( بی ایل اے) ءَ شال ءَ فوجی شٹل ٹرین ءِ سر ءَ فدائی اُرش ءِ بابت ءَ دگہ بیانے شنگ کتگ ءُ اُرش کنوک ءِ پجار پدر کتگ۔ گل ءِ نیمگ ءَ چہ شنگ بوتگیں بیان ءِ رد ءَ اے اُرش مجید بریگیڈ ءِ فدائی یونٹ ءِ باسک ءُ کمانڈر بلال شاہوانی پنام ءِ سائیں ءَ کتگ۔

جارکش ءَ گْوشتگ: بلوچ لبریشن آرمی ءِ فدائی یونٹ مجید بریگیڈ ءَ مرچی سھب ءَ شال ءِ ھند چمن پھاٹک ءَ زورگیریں پاکستانی لشکر ءِ کارندھانی بروکیں یک فوجی شٹل ٹرینے نشانگ جوڑ کتگ ءُ دژمن ءَ مزنیں تاوانے داتگ۔ بی ایل اے اے اُرش ءِ سرجمیں زمہ واری ءَ منّ اِیت۔ اے فدائی اُرش ءِ آسر ءَ دژمن ءِ لشکر ءَ بوتگیں تاوان ءُ مال ءُ مڈی ءِ گڈی ھال ءُ اھوال رند ءَ گل ءِ سرجم کارروائی ءِ رد ءَ یک سرجمیں رپورٹے ءِ دروشم ءَ رسانکدر ءَ شنگ کنگ بنت۔

آئی ءَ گیش گوشتگ کہ اے فدائی مشن مجید بریگیڈ ءِ سوھوکار فدائی د ءُ گل ءِ کمانڈر بلال شاہوانی پنام ءِ سائین ءَ پیلو کتگ۔ بیست ءُ پنچ سالی فدائی بلال شاھوانی ء چیف عبدالغنی شاہوانی شال ءِ دمگ سریاب ءِ نندوک انت۔ آئی ءَ 2020 ءَ بلوچ گھگیری زرمبشت ءِ آجوئی ءِ تہ ءَ ھوار بوتگ۔آئی ءِ فوجی پڑ ءُ گل ءِ ڈسپلن ءِ تہ ءَ جوانیں کردار ءِ بنیاد ءَ شھید بلال وتی کمکاری واھشت ءِ سر ءَ 2022 ءَ مجید بریگیڈ ءِ فدائی یونٹ ءَ ھوار کنگ بوتگ۔ ناگاہو، دشت کومبیلا، شال ءُ کلات ءِ گچینی پڑاں پرکار بوتگ ءُ وتی ھدائی گنج ءِ داتگیں فوجی پرکاری ءِ سبب ءَ کمانڈر ءِ اگدو ءَ دیگ بوتگ۔

کمانڈر بلال شاہوانی پنام ءِ سائین بی ایل اے نیٹ ورک ءِ یک پرکار ءُ زانتکاریں فوجی مازگے گون بوتگ۔ گوستگیں شش ماہ ءِ تہ ء دشت کومبیلا ءِ سرجمیں جنگی پڑانی سر ءَ زورگیریں لشکر ءِ ھلاپ ءَ درستیں مزنیں اُرش ءُ گوریلا آپریشن شھید فدائی بلال شاہوانی ءِ تچک ءَ کمانڈ بوتگ ۔ ایشی ءَ چہ پیسر ، گل ءِ راجدپتری لشکری مھم ءِ وھد ءَ “آپریشن ھیروپ اول” ، آئی ءَ کلات ءِ دیم ءَ دژمن ءِ ھلاپ ءَ پیشگامیں لشکر ءِ سروکی کتگ ات ، وھدے کہ “آپریشن ھیرول دوم” ءِ وھد ءَ آئی ءَ شال ءِ گچین تریں دمگ ، رڈ زون کورڈون ، ءُ ’ ریڈ زون سمبال اتگ ءُ دشمن ءِ ھسار پروشتگ ےُ فدائی لشکر ءِ کمانڈ زرتگ ات ۔

آئی ءَ گوشتگ کہ مرچی سھب ءَ شٹل ٹرین ءِ وسیلگ ءَ شال کینٹ ءَ چہ جعفر ایکسپریس ءَ رازداری ءَ روگ ءَ زورگیریں اُرد ءِ کارندھانی سوبمندیں نشانگ جوڑ کنگ بی ایل اے ءِ انٹیلی جنس ونگ ”زراب“ ءِ تہ ءَ گھتریں رسگ ءُ کمانڈر بلال شاہوانی ءِ جنگی سوبمندی پدریں منانک اِنت۔

آئی ءَ گوشتگ کہ بلوچ لبریشن آرمی وتی فدائی کمانڈر بلال شاہوانی پنام سائین ءَ را آئی ءِ گل ھزمت ءُ ابدمانیں کربانی ءِ پد ءَ سھریں دروت ندر کنت ۔ اے گپ کہ یک جاڑیگ ءُ فیلڈ کمانڈرے ءَ وت ءَ پہ فدائی مشن ءَ پیش کتگ ، اے گپ بی ایل اے ءِ ادارہ ءِ مھکمی ءُ زانشتکاری ءِ یک پدریں راستی یے ۔ اے پیسلہ ءَ چہ زانگ بیت کہ بلوچ راجی گھگیری نوں چہ روایتی گوریلا رھبند ءَ درکپتگ ءُ یک نوکیں جنگی ڈھانچے ءِ نیمگ ءَ شُتگ کہ اود ءَ گل ءِ کمانڈر مچانکی راجی نشانگ ءَ وتی ساہ ءَ دات کنت ءُ مول ءُ مراداں سرجم کنت۔ بلال شاہوانی ءِ اے گامگیج راجدپتر ءِ تہ ءَ زیردستیں راجانی سیاسی ءُ لشکری جد ءُ جھد یک ھاسیں رھبندے ءِ بستار ءَ مانیت کہ اے گپ ءَ منینت کہ گزب کنوکیں ریاست ءِ نوکیں مادی نیٹ ورک ءِ دیم ءَ ایوک ءَ گوں گھتریں پکری رھبند ءُ ھالداری، انٹیلی جنس ءِ رسائی، کربانی ءُ اسٹریٹجک جزم ءِ پائدگداریں شاھیم ءَ بوت کنت۔ مئے اے جنگ داں بلوچ سرڈگار ءِ سرجمیں ھاکمی ءُ سرجمیں آزادی ءَ برجاہ مان ایت۔