بلوچستان ءِ دمگ کیچ دشت بلنگور ءَ پاکستانی پوج ءِ دست ءَ یک مردمے زورانسری بیگواہ کنگ بیتگ-
بیگواھیں مردم ءِ پجار امداد ء بیگ محمد جھمنند کلیرو بلنگور ءِ نام ءَ زانگ بیتگ-
دمگی مردماں دی بلوچستان پوسٹ ءَ گوں گوشتگ امداد گوستگیں روچ ءَ بلنگور کیمپ ءَ پاکستانی پوج ءَ داشتگ ءُ پد ءَ زورانسری بیگواہ کتگ-
دمگی مردمانی رد ءَ امداد ءِ کستریں برات مھران سَے ماہ ءَ پیش چہ تربت ءَ پوج ءَ آوار جتگ کہ انگت ءَ بیگواہ انت-
بلوچستان ءَ زورانسری بیگواھیانی درچ یکشل ءَ برجاہ انت ءُ گوستگیں ھمک وھداں چہ بلوچستان ءِ جتا جتائیں جاھاں زورانسری بیگواھیانی وئیل دیم ءَ آیگ ءَ انت-