بلوچستان ءِ جتاجتائیں دمگاں ءُ پت گوں چُک ءَ بیگواہ وھدے کہ زالبول ءَ ھوار ھشت بیگواھیں مردم یل کنگ بیتگ
بلوچستان ءِ دمگ ڈیرہ بگٹی ءِ دمگ زین کوہ ءَ ایف سی ءِ کارندھاں غلام کریم بگٹی ءُ آئی ءِ چُک بادا ءَ ھوار زورانسری بیگواہ کتگ، چریشی ءَ پد دوئینانی درگت ءَ ھچ وڑیں ھال سر نہ بیتگ-
ھمے وڑ بلوچستان ءِ جتاجتائیں دمگاں آوار جنگ بیتگیں ھشت مردم یل کنگ بیتگ اَنت-
یل کنگ بیتگیں مردمانی تہ ءَ زاکریا ء آسمی، جھمنند میناز (کیچ) 21 اپریل 2025 زورانسری بیگواہ کتگ، 24 اپریل 2026 ءَ چہ تربت ءَ یل کنگ بیتگ-
ھمے وڑ عبدین ء اسلام، جھمنند بالگتر (کیچ) 19 اپریل 2026 ءُ زورانسری بیگواہ کتگ اَت، 25 اپریل 2026 ءَ ایف سی ءِ بُنجل ءَ چہ یل کنگ بیتگ-
ریاض احمد ء ماسٹر ایاز، جھمنند (خاران) ،12 اپریل 2026 ءَ بیگواہ کنگ بیتگ اَت، آ 25 اپریل 2026 ءَ خاران ءَ یل کنگ بیتگ-
عبدالباسط ء محمد سعید، جھمنند مند (کیچ) 03 مارچ 2026 زورانسری بیگواہ کتگ اَنت، آ 21 اپریل 2026 ءَ تربت ءَ یل کنگ بیتگ اَنت-
مغفیر عابد ء حبیب اللہ سیاپاد، جھمنند (خاران) ءَ 17 جنوری 2026 زورانسری بیگواہ کتگ ، آ 21 اپریل 2026 ءَ خاران ءَ یل کنگ بیتگ اَنت-
ھمے وڑ مبارک علی ء میر احمد جھمنند (خاران ) ءَ 02 اپریل 2025 ءَ زورانسری بیگواہ کتگ ، آ 21 اپریل 2026 ءَ چہ خاران ءَ یل کنگ بیتگ-
ھمے وڑ چہ ھُزدار ءَ زورانسری بیگواہ کنگ بیتگیں 24 سالی ئیں زالبول سمینہ ء دوستین جھمنند نال (ھُزدار ) آ 22 اپریل 2026 ءِ شپ نُھ ءَ سی ٹی ڈی کارندھاں بیگواہ کتگ ،گوستگیں شپ ءَ یل کنگ بیتگ ، آ یک گچین کتگیں جے وی ٹی ٹیچرے ھم-
آئی ءِ ھمراھی ءَ 27 قمبر ء عبدالطیف جھمنند نال (ھُزدار ) کہ یک نودربرے ءُ آ ھم ھمے روچ ءُ وھد ءَ بیگواہ کنگ بیتگ ءُ گوستگیں شپ ءَ یل کنگ بیتگ-
کھول ءُ دمگی اِھوالکار ءَ سرجمیں مردمانی یل بیگ ءِ گپ راست کتگ اَنت، بلے بلوچستان ءَ زورانسری آوار جنی ءِ دْرچ یکشل ءَ برجاہ ءَ اِنت چریشی ءَ تُرس ودی بیت-